Skip navigation.
მთავარი

საძიებლები

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთკაში

თქვენი ღონისძიების ჩასატარებლად ეროვნულ სამეცნიერო ბიბლიოთკაში, გთხოვთ, შეავსოთ სააპლიკაციო ფორმა და გადგმოგზავნოთ ელექტრონულ მისამართზე: infopr@sciencelib.ge

new publications-ის ბლოგი

ახალი წიგნი ჩვენს ბიბლიოთეკაში

gpi0a

ბეპიევი, ნ. ქართულ-ოსური და ოსურ-ქართული ლექსიკონი / რედ. ნ. ბეპიევი, ნ. ჯუსოითი. - თბ: უნივერსალი, 2016. – 864 გვ.

ISBN 978-9941-22-885-8

აღნიშნული სახელმძვანელო ძირითადად ეფუძვნება დღემდე გამოცემულ ოსურ-რუსულ, რუსულ-ოსურ, ასევე ოსურ, ქართულ და ორენოვან, განმარტებით, ეტიმოლოგიურ, ორთოგრაფიულ, დიალექტურ, დარგობრივ და ფრაზეოლოგიურ ლექსიკონებს. ოსურ-ქართული და ქართულ-ოსური ლექსიკონების და, ზოგადად, ოსური და ქართული ენების სპეციფიკის გათვალისწინებით, ლექსიკონებს დაერთვის ოსური და ქართული ენების გრამატიკული მიმოხილვები: წიგნს ერთვის აკადემიკოს ვ. აბაევის ოსური ენის გრამატიკული ნარკვევი და აკადემიკოს ა. არაბულის ქართული ენის გრამატიკული ნარკვევი; წინასიტყვაობა, ასევე - ქართულ-ოსური და ოსურ-ქართული ლექსიკონების გამოყენების წესები, ოსური და ქართული ანბანები (ტრანსკრიფციით), შემოკლებათა განმარტებები, გრაფიკული ნიშნების განმარტებები და სხვა სამეცნიერო აპარატურა. 

ლექსიკური ერთეულები წარმოდგენილია თანამედროვე სალიტერატურო ენის ნორმების გათვალისწინებით. ქართული სიტყვების დაწერილობის დროს ძირითადად გამოყენებულია ქართული სალიტერატურო ენის ნორმების პირველი კრებული და ქართული ენის ორთოგრაფიული ლექსიკონის მეორე შევსებული გამოცემა.

ახალი წიგნი ჩვენს ბიბლიოთეკაში

zbve1
საქართველოს ილუსტრირებული ისტორია / პროექტის ხელმძღვანელი ჯ. სამუშია; რედ. ლ. იოსებაძე. - თბ. : პალიტრა L, 2014

- ტომი 22. : გელაშვილი, აკაკი. ერეკლე II  - თბ.: პალიტრა L, 2016. – 48 გვ.
- ტომი 23. : სამუშია, ჯაბა. ტაო კლარჯეთი. - თბ.: პალიტრა L, 2015. – 48 გვ.
- ტომი 24. : იოსებაძე, ლ. ილია ჭავჭავაძე- თბ.: პალიტრა L, 2016. – 48 გვ.  
- ტომი 25. : სამუშია, ჯაბა. ბრძოლის საუკუნე. - თბ.: პალიტრა L, 2016. – 48 გვ.  
- ტომი 26. : ბოშიშვილი, ალექსანდრე, სამუშია, ჯაბა. სამეფოებად და სამთავროებად დაშლილი საქართველო. - თბ.: პალიტრა L, 2016. – 48 გვ.  
- ტომი 27. : ხუნდაძე, ნინო, ვაჩნაძე, დინარა. ქართული ხუროთმოძღვრება. - თბ.: პალიტრა L, 2016. – 48 გვ.  
ISBN 9789941217494
 
ამჯერად წარმოგიდგენთ საქართველოს ილუსტრირებული ისტორიის მორიგ ექვს ტომს. როგორც ადრე აღვნიშნეთ აქ ფაქტები ქრონოლოგიურად არ არის დალაგებული და ერთმანეთს ავსებს. ოდესღაც რეალურად მომხდარი ამბავი ცალკეულ ტომებში თავსდება და ოჯახის ყველა წევრისთვის ერთ დიდ, მთავარ სერიად ერთიანდება. ვიზუალურად რეკონსტრუირებული ახალი მოდელი დოკუმენტურ მასალაზე დაყრდნობით არის შექმნილი.
ეს  ტომეული არის კონკრეტული ეპოქების მკვლევარ-ისტორიკოსების მოთხრობილი და ხელნაწერთა სტილით ერთმანეთისაგან სრულიად განსხვავებული მხატვრების მიერ ილუსტრირებული. სერიისათვის სპეციალურად შექმნილი სამუზეუმო ექსპონატთა ნუსხა საქართველოს ეროვნული მუზეუმის, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის, საქართველოს ეროვნული არქივის, საქართველოს პარლამენტის ეროვნული ბიბლიოთეკის, საქართველოს ხელნაწერთა ეროვნული ცენტრის არქივებიდან წიგნის რედაქციას გადმოეცა. 
ამჯერად ეს სერია გარკვეული კორექტირებით გამოვიდა და უკვე გათვალისწინებული 24 ტომის, შემდეგ დამატებული ექვსი ტომიც ჩაემატა და დამატებით სხვა ეპოქებსაც მიეძღვნა.

ახალი წიგნი ჩვენს ბიბლიოთეკაში

51DUjBogqlL._SX385_BO1,204,203,200_

Ousterhout, Robert G. Visualizing Community : Art, Material Culture, and Settlement in Byzantine Cappadocia / Designed and typest by Melissa Tandysh. – Washington: Dumbarton Research Library and Collection, 2017. – 532 p. 

ISBN 9780884024132

ეს ინგლისურენოვანი, ფერადი ილუსტრაციებით დატვირთული წიგნი, მოგვითხრობს კაბადოკიის შესახებ. ეს მხარე ცენტრალური ანატოლიის ულამაზესი ვულკანური რეგიონია და იგი ამავდროულად საუკეთესოდ ინარჩუნებს ბიზანტიური იმპერიის ყოველდღიურობის აღქმას. ამ ადგილში ყურადღებას იპყრობს კონსტანტინოპოლისა და კაბადოკიის მონუმენტალისტური არქიტექტურა.  

კვლევა უკავშირდება აღმოსავლეთ ხმელთაშუაზღვისპირეთში დოკუმენტალისტური არქიტექტურული მემკვიდრეობის გაქრობას. წიგნის ტექსტუალური მტკიცებულებები ეყრდნობა მთლიანი ქალაქებისა და სოფლების ერთიანი არქიტექტონიკის განცდას. აქ პარალელურად განიხილება საეკლესიო და სახალხო ნაგებობანი, საერო და სულიერო ლანდშაფტები. სიღრმისეული ანალიზი,

ახალი წიგნი ჩვენს ბიბლიოთეკაში

k37f5
თუშმალიშვილი, გ. მედიაპოლიტიკა სიტყვიერი, ბეჭდვითი და გამოსახულებითი კომუნიკაციების შესახებ / რედ. ნ. ჯოხარიძე. - თბ.: პეგასი, 2017. – 376 გვ. 

ISBN 978-9941-0-9798-0

წიგნში ფართო ადგილი ეთმობა ანტიკური ათენისა და რომის ორატორული ხელოვნების ნიმუშებს, რასაც გამოსახულებითი კომუნიკაციები: ქანდაკება, მონუმენტი, მონეტა ქმნიდა. ასევე ფაქტია, რომ დიდი ორატორები დემოსთენე და ციცერონი თავად მათ საცხოვრებელ პოლისს ორატორთა ბუნებრივ გარემოდ აღიქვამდნენ.

მოგვიანებით გზავნილის რაციონალური გააზრების ხელოვნება გუტენბერგის საბეჭდი მანქანით, ბეჭდური კომუნიკატორული უნარებით ჩანაცვლდა. შემდგომი ეტაპები იყო რადიომაუწყებლობა და ტელევიზია. 

ამასთანავე წიგნში განხილულია ინტერნეტის გლობალურ ქსელთან დაკავშირებული თანამედროვე საკომუნიკაციო ფორმები.

ახალი წიგნი ჩვენს ბიბლიოთეკაში

t3rto

როგორ მოვუაროთ დიაბეტს : რჩევები დიაბეტიანი ბავშვების, მოზარდებისა და მატი მშობლებისთვის / ავტ.: მ. გორდელაძე, ნ.  ბიკაშვილი, ე. ფაცაცია, მ. ფხალაძე, ნ. ჯინიყაშვილი; რედ. კ. ამირხანაშვილი. - თბ., 2016. – 138 გვ.

ISBN - 978-9941-0-9066-0

აღნიშნული წიგნი წარმოადგენს პირველ ქართულ წიგნს ბავშვთა ასაკში შაქრიანი დიაბეტის მოვლის შესახებ. მასში წარმოდგენილია ერთგვარი სარეკომენდაციო მასალა დიაბეტიანი ბავშვების, მოზარდებისა და მათი ოჯახის წევრებისათვის. 

წიგნმა აპრობაცია გაიარა თბილისის სახელმწიფო სამედიცინო უნივერსიტეტის გ. ჟვანიას სახელობის პედიატრიის აკადემიური კლინიკის ბავშვთა ენდოკრინოლოგიურ ცენტრსა და საქართველოს დიაბეტიან ბავშვთა დაცვის ასოციაციაში. წარმოდგენილ შეკითხვათა უმრავლესობა სწორედ მათი დასმულია და ასე მიიღო წიგნმა ერთგვარი დიალოგური, საკითხავი ფორმატის სახე, რაც თავისებურად საინტერესოს ხდის მას.

ახალი წიგნი ჩვენს ბიბლიოთეკაში

9uu43

სანიკიძე, თ. სამედიცინო ფიზიკა და ბიოფიზიკა / რედ. თ. ონიანი; თ. ნანეიშვილი. - თბ.: საქ. მეცნ. ეროვნული აკად. სტამბა,  2016. – 255 გვ.

ISBN - 978-9941-0-9168-1

ISBN - 978-9941-0-9169-8

სახელმძღვანელოში წარმოდგენილია თანამედროვე მონაცემები უჯრედული მემბრანის სტრუქტურისა და ფუნქციების შესახებ. განხილულია მემბრანების შერჩევითი განვლადობისა და აღგზნებადობის მოლეკულური მექანიზმები, მემბრანის სტრუქტურისა და ფუნქციების ცვლილებებთან დაკავშირებული მეტაბოლიზმის დარღვევები და ამ დარღვევების როლი პათოლოგიური პროცესების განვითარებაში. წიგნში მოცემულია არსებული ინფორმაცია უჯრედული ჰომეოსტაზის რეგულაციაში მემბრანის მონაწილეობის მოლეკულური მექანიზმების შესახებ.

ახალი წიგნი ჩვენს ბიბლიოთეკაში

13y6y
ვულდრიჯი, ჯ. მ. შესავალი ეკონომეტრიკაში / რედ. ქ. ქურდოვანიძე; ც. ჯიშკიანი; დ. გერმანიშვილი. - თბ.: უნივერსიტეტის გამომცემლობა, 2016. – 621 გვ.
ISBN - 978-9941-13-559-0

წიგნი "შესავალი ეკონომეტრიკაში" ეკონომეტრიკის შესავალი კურსის მსოფლიოში აღიარებული ერთ-ერთი პოპულარული სახელმძღვანელოს პირველი ქართულენოვანი თარგმანია. მასში წარმოდგენილია ეკონომეტრიკის თითქმის ყველა განყოფილება. ეს გახლავთ წიგნის ადაპტირებული ვარიანტი და იგი საწყისი, ანუ ძირითადი ვარიანტისგან მასალის მოცულობით განსხვავდება. წიგნის ონლაინ ფორმატი კი ამოცანებს, კომპიუტერულ სავარჯიშოებსა და დანართებს შეიცავს. 

წიგნის ერთ-ერთი მნიშვნელოვანი თავისებურებაა მასალის გადმოცემის სიმარტივე. ეკონომეტრიკის ყოველი მეთოდის დახასიათებისას ყურადღება უფრო პრაქტიკული ამოცანების შინაარსობრივ განხილვაზეა გადატანილი, ვიდრე ფორმალურ ანალიზსა და დამტკიცებებზე. ყოველი მეთოდისა და პრობლემის ახსნას საფუძვლად უდევს კონკრეტული ემპირიული მაგალითი. სხვა მრავალი სახელმძღვანელოსგან განსხვავებით,  თემები დაყოფილია საანალიზო მონაცემების სახეების მიხედვით.

ახალი წიგნი ჩვენს ბიბლიოთეკაში

3e8in

ცაგარელი, ლევან. კულტურის კვლევების შესავალი / რედ. ქ. გურჩიანი, გ. მაისურაძე. - თბ. : ილიას სახ. უნ-ტის გამომცემლობა, 2016. - 344 გვ. 

ISBN 978-9941-18-252-5

სახელმძღვანელოს მიზანია, საბაკალავრო საფეხურზე ჰუმანიტარულ მეცნიერებათა ყველა მიმართულების სტუდენტს შეუქმნას წარმოდგნა ჰუმანიტარული მეცნიერებებისა და კულტურის კვლევების საერთო მიზნებისა და ამოცანების შესახებ, გააცნობიეროს მათი მნიშვნელობა და თავისებურებანი. სახემძღვანელოში წარმოდგენილია კულტურის კვლევის ქვედარგები: კულტურის სემიოტიკა, მედიათა კულტურის კვლევები, კუტურის ანთროპოლიგია, კულტურის ფსიქოლოგია კულტურის სოციოლოგია და სუბკულტურის კვლევები; აგრეთვე გენდერი, კულტურათაშორისი და პოსტკოლონიური კვლევები. 

თვითონ სახელმძღვანელოს შექმნასაც საფუძვლად კონსტუქტივისტული მოვლენა უდევს, რაც არის არა ცოდნა სინამდვილის შესახებ, არამედ ცოდნა ჩვენს ცნობიერებაში. ეს უბიძგებს სტუდენტებს დააკვირდნენ ქართული კულტურის კონკრეტულ წარმონაქმნებს: არტეფაქტს, მენტეფაქტს, ტექსტს, რიტუალს და სხვა კულტურულ კონსტრუქციებს. 
წიგნის თემატიკა შემდეგია: ჰუმანიტარული მეცნიერებებიდან კულტურის კვლევებამდე; კულტურა, როგორც ვნებების სუბლიმაცია; კულტურა, როგორც ნიშანთა სისტემა; დეკონსტრუქცია, როგორც კულტურის ანალიზის მეთოდი; დრო და კულტურული მეხსიერება; სივრცე, როგორც კულტურული კონსტრუქცია და სხვ.
ინფოარხების ცნობების შეკრება