Skip navigation.
მთავარი

საძიებლები

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთკაში

თქვენი ღონისძიების ჩასატარებლად ეროვნულ სამეცნიერო ბიბლიოთკაში, გთხოვთ, შეავსოთ სააპლიკაციო ფორმა და გადგმოგზავნოთ ელექტრონულ მისამართზე: infopr@sciencelib.ge

new publications-ის ბლოგი

ახალი წიგნი ჩვენს ბიბლიოთეკაში

uxs7n

დოილი, ართურ კონან. შერლოკ ჰოლმსი. ტ. I / რედ.: ქ. ნიკოლეიშვილი; ე. ბუჯიაშვილი. - თბ.: ნოტა-ბენე, 2017. – 910 გვ.
 
ISBN - 978-9941-0-9442-2  (ტომეული)
ISBN - 978-9941-0-9443-9  (I  ტომი)

დეტექტიური  ჟანრის  წიგნში გადმოცემულია ართურ კონან დოილის მიერ შექმნილი ლიტერატურული პერსონაჟის, ცნობილი დეტექტივის, შერლოკ ჰოლმსის თავგადასავლების მთელი სერია. ხერხი, რომელსაც ჰოლმსი დეტექტიური ძიებისას იყენებს, დედუქციაა, რომლის ასამოქმედებლადაც საჭიროა მახვილი თვალი, გამოცდილება, რიგ მეცნიერებათა კარგი პრაქტიკული ცოდნა, სწრაფი, სხარტი გონება და კიდევ რამდენიმე პატარა საიდუმლო. უმრავლეს შემთხვევაში, ნაწარმოებში თხრობა მიმდინარეობს შერლოკის მუდმივი თანამგზავრის - ექიმი უოტსონის მიერ, რომელიც აღწერს ჰოლმსის გამოძიებებს.

ეს ნაწარმოებები ითვლება დეტექტიური ჟანრის კლასიკად. 

დოილი, ართურ კონან. შერლოკ ჰოლმსი. ტ. I / რედ.: ქ. ნიკოლეიშვილი; ე. ბუჯიაშვილი. - თბ.: ნოტა-ბენე, 2017. – 910 გვ.

ახალი წიგნი ჩვენს ბიბლიოთეკაში

Moderne-architectuur-van-A-Z

Modern Architecture A-Z / Ed. by L. Taschen; with text by K. Gazey, P. Gössenl C. Mollio, U. Ramlow and others. – German: Taschen. - 2 v. 592 pages

ISBN 978-3-8365-5631-6

Edition: English

 

ბევრი სხვა არქიტექტურული ენციკლოპედიისაგან განსხვავებით, რომლებიც უფრო მეტად ორიენტირებულია შენობა-ნაგებობების და დიზაინზე აქ მკითხველი გაეცნობა არქიტექტურულ ნაგებობების განათების ესთეტიკასა და ტექნიკას.

წიგნი მოიცავს მთლიანად XIX-XXI საუკუნეების მიმართულებასა და სტილის რაც წარმოდგენილია იშვიათი ფოტო-ილუსტრაციებით. წარმოდგენილია არქიტექტორები მოკლე ბიოგრაფიით, მნიშვნელოვანი ნამუშევრებით, ისტორიული კონტექსტითა და ზოგადი მიღწევებით.

თანამედროვე არქიტექტურის ყოვლისმომცველი ენციკლოპედია A-Z-მდე,  თანაბარ ემოციებსა და ინტერესს იწვევს როგორც პროფესიონალ არქიტექტორებში ასევე, სტუდენტებსა და ამ სფეროთი დაინტერესებულ ნებისმიერ მკითხველში.

ახალი წიგნი ჩვენს ბიბლიოთეკაში

9rmp0

David A. Lauer , Stephen Pentak. Design Basics. – USA: Wadsworth Publishing Company, 2012. – 308 p.
ISBN-13: 978-0495915775
ISBN-10: 0495915777

Sandy Halliday. Sustainable Construction. –  London and New York : Taylor and Francis Group, 2013. – 395 p.
ISBN-13: 978-0750663946
ISBN-10: 0750663944

Green Building. Guidebook for Sustainable Architecture / Bauer Michael, Mösle  Peter, Schwarz Michael. – London New York Germany: Springer, 2010. – 208 p.
ISBN-13: 978-3642006340

Architectural Graphic Standards 12/ American Institute of Architects, Keith E. Hedges. – Canada: Wiley, 2016. – 1062 p.
ISBN: 978-1-118-90950-8

Julius Panero, Martin Zelnick. Human Dimension and Interior Space: A Source Book of Design Reference Standards. – New York, Whitnry library of Design, 1979. – 320 p. 
ISBN 0823072711

Neufert Architects' Data/ translated by D. Sturge. – Germany: Wiley-Blackwell, 2017. – XIII+593 p.
ISBN: 978-1-4051-9253-8

McMorrough, Julia. The Architecture Reference & Specification Book: Everything Architects Need to Know Every Day. – USA: Rockport Publishers, 2013.- 272 p.
ISBN 10: 1592538487 ISBN 13: 9781592538485

Steve Bowkett. Archidoodle: The Architect's Activity Book. – London:Laurence King Publishing, 2013. – 160 p.: 200 illustrations.
ISBN 9781780673219

წიგნებში განხილულია ინოვაციური სამშენებლო დიზაინი და მენეჯმენტისა და პროფესიონალიზმის უახლესი ტექნიკა. აღნიშნული შრომები წარმოადგენს თანამედროვე არქიტექტურის უახლესი მიღწევების საუკეთესო ნიმუშებს. 

წიგნებში მიმოხილულია ის ინტეგრირებული ფაქტორები, რომლებიც გავლენას ახდენენ მდგრადი და ამავდროულად ეკოლოგიური ნაგებობების დაგეგმარებისა და შენების პროცესში. აქვე შევხვდებით მასალებს ციფრული ფაბრიკაციის, ინფორმაციული მოდელირების, ორგანზომილებიანი დიზაინისა და სხვა სახის არქიტექტურული გამოწვევების შესახებ.

თანამედროვე პოსტსტრუქტურალისტური აზროვნების კიდევ ერთი მნიშვნელოვანი ასპექტია ადამიანის სხეულის აზომვითი შედარება შენობის სტილთან, იგივე ანთროპომეტრია, რის საფუძვლებსაც ამავე ლიტერატურაში იხილავს დაინტერესებული მკითხველი. ასევე გაეცნობით კონსტრუქტივისტური ძეგლის შექმნის მოდელს.

წიგნებში უხვად არის ფერადი ილუსტრაციები, უამრავი არქიტექტურული ნამუშევრები და იდეები.

წიგნები თანაბარ დახმარებას გაუწევს როგორც პრფესიონალ, ისე დამწყებ დიზაინერებს მაქსიმალურად აითვისონ ტექნიკური უნარები  თანამედროვე კონცეფციების განხორციელებისათვის. 


ახალი წიგნი ჩვენს ბიბლიოთეკაში

6be08oeo90
И.М. Сигаури. К истокам и ареалам нахского этноса / Российской академии наук; Федеральное государственное бюджетное учреждение науки институт языкознания. 

Т. I. По данным лингвистики. - М.: “Academia”, 2016. – C. 689.
ISBN 978-5-87444-403-7
Т. II. По данным археологии. - М.: “Academia”, 2016. – C. 715. 
ISBN 978-5-87444-404-4

მონოგრაფიულ ნაშრომის ორ ტომში ავტორი ენობრივ და ეთნიკურ კავშირებზე დაყრდნობით საინტერესო თეორიას გვთავაზობს.
წიგნი ეძღვნება ნახური ენის ლინგვისტურ-გენეტიკურ საფუძვლებს ჩრდილო-კავკასიურ ენებთან. კონცეფცია ეფუძნება ძველი კავკასიური ენების სამი ძირითად სახესხვაობის: ჩრდილოური, სამხრეთული და ცენტრალურ-კავკასიური ანუ შუმერულ-ჰურიტულ-ურარტულ-ნახური ენების ერთიან წარმომავლობას. ლექსიკური, ფონეტიკური და გრამატიკული მსგავსება ამ ენებისა შეინიშნება აგრეთვე ეტრუსკულ, ბასკურ და ე.წ. ძველბერძნულ ენებამდე არსებულ იონურ და ეგეოსოს ზღვებთან ემიგრირებულ ეთნოსებთან, სადაც ჩამოყალიბდა სწორედ შუმერულ-ჰურიტულ-ურარტულ-ნახური ენა. 
წიგნში აგრეთვე წინა პლანზეა წამოსული ფაქტობრივი მასალა: არქეოლოგია, ისტორია, ანთროპოლოგია, ეთნოგრაფია  და ა.შ. რაც ამყარებს ნახურ ხალხის საერთო წარმომავლობის თეორიას შუმერულ, ურარტულ, ბასკურ, ეტრუსკულ და სხვა უძველეს ხმელთაშუაზღვისპირეთის ხალხებთან.

ახალი წიგნი ჩვენს ბიბლიოთეკაში

vzu1y
კალანდია, გიორგი. ექვთიმე თაყაიშვილი და ტაო-კლარჯეთი=Ekvtime Takaishvili and Tao-Klarjeti : კრებული ეძღვნება 1917 წელს სამხრეთ საქართველოში მოწყობილი ექსპედიციის 100 წლის იუბილეს / რედ. ჯ. სამუშია, მთარგმნ. ა. ბაკურიძე. - თბ., 2017. – 170 გვ.
ISBN 978-9941-27-021-5

წარმოგიდგენთ წიგნი-ალბომს, რითაც ფაქტიურად იწყება ახალი პროექტი სერიით: “ტაო-კლარჯეთი არქივებსა და სიძველეთსაცავებში”. პროექტის მიზანია ერთ გამოცემაში მოაქციოს ტაო-კლარჯეთის შეახებ სხვადასხვა კოლექციებში გაფანტული ვიზუალური მასალა. 

ექვთიმე თაყაიშვილი და მისი სამეცნიერო ექსპედიციები უდავოდ ქმნის იმ ერთ მთლიანობას, რასაც ქარული კულტურული მემკვიდრეობის შესწავლა ეწოდება. ეს არის ხელმეორედ აღმოჩენილი ჩვენი სულიერების დიდებული ძეგლები: ოშკი, იშხანი ხახული და მრავალი სხვა... აქვეა ჩანაწერების, ნახაზებისა და წერილების სიუხვე ფრონტის ხაზიდან, რაც ქარულ ისტორიოგრაფიაში მეორე უმნიშვნელოვანეს კვალს ტოვებს. 

ეთნიკურად ქართული ტაო, ლაპიდარული  წარწერებითა და ტოპონიმებით, დიდმა ექვთიმემ შეძლო მახლობელი გაეხადა საქართველოსათვის.

ახალი წიგნი ჩვენს ბიბლიოთეკაში

b4jv6

თანდაშვილი, მ. ზმნის სემანტიკური ანალიზი ქართულში / რედ. ნ. შარაშენიძე. - თბ.: მერიდიანი, 2017. – 178 გვ.

ISBN 978-9941-25-344-7
წიგნი "ზმნის სემანტიკური ანალიზი ქართულში" წარმოადგენს ფრანკფურტის უნივერსიტეტში წაკითხული ლექციების იმ ნაწილს, რომელიც მოიცავდა ქართული ზმნის კლასიფიკაციის საკითხებს. ნაშრომში მოცემული ქართული ზმნის სემანტიკური მოდელი მისთვის დამახასიათებელი მორფო-სინტაქსური თავისებურებების უკეთ აღწერის საშუალებას იძლევა. თეორიულ ღირებულებასთან ერთად, ნაშრომს პრაქტიკული მნიშვნელობაც აქვს, რადგან აქ განხილული ზმნის სემანტიკური კლასიფიკაციის ჩარჩო, მნიშვნელოვნად აადვილებს ქართული ენის ავტომატური თარგმანის პრობლემის ადეკვატურ გადაჭრას. 
ნაშრომში ძირითადად გამოყენებულია უცხოურ სამეცნიერო ლიტერატურაში წარმოდგენილი თეორიული დებულებები და მოდელები. წიგნი განკუთვნილია, როგორც ფილოლოგიური ფაკულტეტის სტუდენტებისთვის, ისე საკითხით დაინტერესებულ პირთათვის.

ახალი წიგნი ჩვენს ბიბლიოთეკაში

u1ap6

სთოქსთეიდი, მერლინ; ქოთრენი, მაიკლ, ვ. ხელოვნების ისტორია XVIII საუკუნიდან დღემდე / თარგმნ.: თ. ტაბატაძე, თ. შავგულიძე; რედ. ა. კლდიაშვილი, მ. ბულია. - თბ.: თბილისის აპოლონ ქუთათელაძის სახელობის სახელმწიფო სამხატვრო აკადემია,  2017. – 243 გვ. : ილ. 
ISBN 978-9941-0-9739-3

ეს არის ხელოვნების უდიდესი მოვლენის მხატვრობის, მთლიანად არტის შექმნის ისტორია - თანამედროვეობამდე. მასში პერფორმანსის რაობა და მისი სიცხადის ანალიზი საუკეთესოდ არის გადმოცემული. 
წიგნი ოთხ ნაწილად არის დაყოფილი და მთლიან აანალიზებს როკოკოდან - პოსტმოდერნის ჩათვლით ყველა ძირითად მიმდინარეობას. 
I. XVIII საუკუნისა და XIX საუკუნის დასაწყისის ხელოვნება ევროპასა და ჩრდილოეთ ამერიკაში.
II. XIX საუკუნის მეორე ნახევრის ევროპისა და ამერიკის შეერთებული შტატების ხელოვნება
III. ახალი ხელოვნება ევროპასა და ამერიკაში, 1900-1950 წლები
IV. საერთაშორისო ვითარება 1950 წლის შემდეგ

ქვეყნებს შორის გარდამავალი ეტაპები შემდეგი თანმიმდევრობით ნაწილდება: იტალია, საფრანგეთი, ესპანეთი და ამერიკა; შემდეგ ისევ საფრანგეთი, ამერიკა, საფრანგეთი... და ა.შ. ანუ ეს არის  ევროპულ-ამერიკული ნაზავი, რომელიც ხელოვნების აქტივიზმითა და გლობალიზაციით მოდერნიდან პოსტმოდერნამდე, პოსტკოლონისტურ დისკურსამდე, დეკონსტრუქტივიზმამდე მიდის. 
წიგნის თითოეულ თავს აქვს ჩანართები:

ახალი წიგნი ჩვენს ბიბლიოთეკაში

4m8t3
ანთელავა, ნუგზარ. კავკასიის ხალხთა მითები და რიტუალები / საქართველოს კულტურისა და ძეგლთა დაცვის სამინისტრო; სსიპ ჩერქეზული (ადიღეური) კულტურის ცენტრი; შოთა რუსთაველის ეროვნული სამეცნიერო ფონდი; რედ. მ. ჩუხუა. -  თბ.: უნივერსალი, 2017. – 889 გვ. 
ISBN 978-9941-22-996-1

კავკასიის ეთნოსების მითოლოგიისა და წეს-ჩვეულებების სინქრონული აღწერა ჯერ კიდევ ანტიკური პერიოდიდან იღებს სათავეს. ეს ერთგვარი ეთნიკური მოზაიკაა, რომელიც თავისთავში მომიჯნავე დარგებსაც აერთიანებს. ქართველური, აფხაზურ-ადიღეური, დაღესტნური, ასევე - ინდოევროპული და თურქულენოვანი ხალხები ქმნიან ერთ დიდ კავკასიურ ეთნოსს. წიგნი მითო-რელიგიური მსოფლმხედველობისა და რიტუალური პრაქტიკის საფუძვლებს შეისწავლის და ეს ყოველივე წიგნში სინქრონულ-დიაქრონული კვლევის ჭრილში არის წარმოდგენილი.

წიგნის მიზანი ორგვარია: მიაწოდოს დაინტერესებულ პირს საცნობარო მასალა და დააკმაყოფილოს მკითხველთა ღრმა ინტერესი მითოლოგიისდამი, ფოლკლორისტიკისადმი, რელიგიის ისტორიისადმი, ხალხური რწმენა-წარმოდგენებისა და წეს-ჩვეულებებისადმი.
ინფოარხების ცნობების შეკრება