მიმდინარეობს საიტის განახლება
ბიბლიოთეკის კატალოგი
| ძიება ქართულ ბიბლიოთეკებში | ძიება ქართულ ლექსიკონებში და ენციკლოპედიებში | ძიება მსოფლიოს უნივერსიტეტების ღია სამეცნიერო არქივებში |
new publications-ის ბლოგი
ახალი წიგნი ჩვენს ბიბლიოთეკაში
გამოაქვეყნა new publications-მ : ორშ, 19/02/2018 - 14:13.
გლობალიზაციის გამოწვევები ეკონომიკასა და ბიზნესში : II საერთაშორისო სამეცნიერო კონფერენცია. შრომების კრებული = Challenges of Globalization in Economics and Business : The 2nd International Scientific Conference: Proceedings. კონფერენცია ეძღვნება ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილეს / ივ.ჯავახიშვილის სახ.თბ. სახელმწ. უნ-ტის ეკონომიკისა და ბიზნესის ფაკულტეტი; სარედ. კოლეგია: თ. ბერიძე, ვ. პაპავა, ა. სილაგაძე და სხვ. - თბ., 2017. – 680 გვ.
ISBN 978-994113650-4
წიგნში თავმოყრილია კონფერენციის მასალები გლობალიზაციის გამოწვევების შესახებ. გლობალიზაციას ჯერ კიდევ ადგილი ჰქონდა მაშინ, როდესაც მოხდა სამრეწველო რევოლუცია XIX საუკუნის ბოლოს, თუცა თანამედროვე საუკუნეთა მიჯნაზე ახალმა ტექნოლოგიურმა გამოგონებებმა ამ ფენომენს კიდევ უფრო დიდი შინაარსი შესძინა. ეკონომიკური კავშირების განვითარების დროს ქვეყნები, რეგიონები და კონტინენტები უფრო და უფრო უახლოვდებიან ერთმანეთს, რაც თავისთავად აქტუალურს ხდის ეკონომიკური გლობალიზაციის პრობლემას. ეს შესაძლოა შეფასდეს როგორც დადებით, ასევე უარყოფით ფაქტორად ქვეყნის განვითარების თვალსაზრისით. თუმცა დღესდღეობით ვერცერთი ქვეყანა ვერ გაექცევა გლობალიზაციას ეკონომიკასა და ბიზნესში.
წარმოდგენილ ქართულენოვან სტატიებს ახლავს რეზიუმეები ინგლისურ ენაზე, თუმცა კრებულში ასევე შესულია უცხოური კვლევებიც. ყველა კვლევას ერთვის გამოყენებული ლიტერატურის სია.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ორშ, 19/02/2018 - 14:01.
მშვილდაძე, მ. ახალი აღთქმა და ანტიკური სამყარო / ივანე ჯავახიშვილის სახელობის თბილისის სახელმწიფო უნივერსიტეტი; რედ. გ. ლოთქიფანიძე. - თბ.: უნივერსიტეტის გამომცემლობა, 2017. – 200 გვ.
ISBN 978-9941-13-622-1
ანტიკური პერიოდის რომის იმპერიაში ეპოქათა მიჯნაზე მიმდინარე პროცესები ისტორიულ, არქეოლოგიურ და ეპიგრაფიკულ მასალებზე დაყრდნობით არის შესწავლილი და გაანალიზებული. ახალი აღთქმა მთლიანად გააზრებულია, როგორც საისტორიო წყარო და შესწავლილია მისი როლი ანტიკურ სამყაროში არსებული სოციალურ-პოლიტიკური და რელიგიური თვალსაზრისით.
წიგნში წარმოდგენილია ახალ აღთქმაში დასახელებულ პირთა ისტორიულობის საკითხი; ქრისტიანობის აღმოცენების წანამძღვრები, დრო და პირობები; ტაძრის როლი იუდეველთა ცხოვრებაში და სინაგოგის წარმოშობის მიზეზების ადგილი ახალი აღთქმის პერიოდის იუდეაში.
წიგნი განკუთვნილია ისტორიის კულტურის, რელიგიის შემსწავლელი სპეციალისტების, სტუდენტებისა და ამ საკითხით დაინტერესებულ პირთათვის.
წიგნს ახლავს რეზიუმე ინგლისურ ენაზე, გამოყენებული ლიტერატურის სია, პირთა და გეოგრაფიულ სახელთა საძიებლები.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ორშ, 19/02/2018 - 13:56.
გოგუა, რ. მაგმური ქანების მაგნიტური ველი და მაგნეტიზმი / ივანე ჯავახიშვილის სახელობის თბილისის სახელმწიფო უნივერსიტეტი; მ. ნოდიას სახ. გეოფიზიკის ინსტიტუტი; რედ.: თ. ჭელიძე, ჯ. ქირია. - თბ., 2017. – 126 გვ.
ISBN 978-9941-13-626-9
მონოგრაფიაში განხილულია მაგმური ქანების მაგნიტური მინერალების წარმოშობის და დამაგნიტების პირობები; ქანების ძირითადი მაგნიტური მახასიათებლები და მათი გეოლოგიური ინფორმაციულობა; მაგნიტური მინერალების შემადგენლობის, სტრუქტურისა და გენეზისის შესწავლის მაგნიტური მეთოდები; მოცემულია საქართველოში გეომაგნიტური გამოკვლევების მოკლე ისტორია. გამოთქმულია მოსაზრება სპილენძ-პოლიმეტალური გამადნების ინტრუზიულ მაგმატიზმთან კავშირის შესახებ საქართველოს მაგალითზე.
წიგნში ნაჩვენებია საქართველოში არსებული მაგმური ქანების ვერტიკალური ზონალობის არსებობა.
მონოგრაფია გათვლილია გამოყენებითი გეოლოგიური ამოცანების გადაწყვეტით დაინტერესებული გეომაგნიტოლოგების და პეტრომაგნიტოლოგებისათვის. იგი სასარგებლო იქნება აგრეთვე გეოლოგიურ-გეოფიზიკური სპეციალობის სტუდენტებისათვის.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : პარ, 16/02/2018 - 17:45.
აბესაძე, რ. ეკონომიკური განვითარება. მეოთხე გამოცემა = Economic Development. Forth Edition / ივანე ჯავახიშვილის სახელობის თბილისის სახელმწიფო უნივერსიტეტი; პაატა გუგუშვილის სახელობის ეკონომიკის ინსტიტუტი; სამეცნ. რედ. რ. ასათიანი. - თბ., 2017. – 228 გვ.
ISBN 978-9941-13-664-3
საბჭოთა სივრცის ქვეყნებში ეკონომიკური განვითარების პრობლემის კვლევის შესახებ ლიტერატურა თითქმის არ არსებობდა. წიგნში :ეკონომიკური განვითარება“ აღიქმება ორი მიმართულებით: როგორც პროცესი და როგორც დისციპლინა, რომელიც შეისწავლის ამ პროცესებს. წიგნში დიდი ყურადღება ეთმობა ტერმინებს „ეკონომიკური განვითარება“, „რეგრესი“ და „დაქვეითება“.
წიგნი წარმოადგენს სახელმძღვანელოს ეკონომიკური პროფილის ბაკალავრებისათვის.
წიგნს ერთვის ზოგიერთი საცნობარო მასალა სადაც მოცემულია მსოფლიოს ყველაზე ღარიბი და ყველაზე მდიდარი 10 ქვეყანა, აგრეთვე მსოფლიოს 10 ყველაზე დიდი ეკონომიკის მქონე ქვეყანა. წიგნს ერთვის გამოყენებული ლიტერატურა, სულ 452 სხწ.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : პარ, 16/02/2018 - 17:32.
საქართველო და ევროპული სამყარო - ფილოსოფიურ-კულტურული დიალოგი :ეძღვება ანთიმოზ ივერიელის მოწამეობრივი აღსრულების 300 წლისთავს. ტ. II = Georgian and European World Philosophical-Cultural Dialogue. Dedicated to the 300th Anniversary of the Saint Anthim the Iberian’s Martyrdom. Vol. II / ივანე ჯავახიშვილის სახელობის თბილისის სახელმწიფო უნივერსიტეტი; რედ. ა. ზაქარაიძე. - თბ.: უნივერსიტეტის გამომცემლობა, 2017. – 337 გვ.
ISBN 978-9941-13-663-4
ISBN 978-9941-13-664-1
კრებული ეძღვნება XVII-XVIII საუკუნეების საქართველოსა და ევროპის ღვთისმეტყველის, განმანათლებლისა და ჰუმანისტის წმინდა ანთიმოზ ივერიელის ცხოვრებასა და შემოქმედებას. კრებული მომზადდა ივ. ჯავახიშვილის სახ. თსუ ფილოსოფიის სასწავლო სამეცნიერო ინსტიტუტისა და ანთიმოზ ივერიელის სახ. ფილოსოფიისა და თეოლოგიის სამეცნიერო კვლევითი ცენტრის მიერ.
წიგნი მთლიანად მიმოიხილავს წმინდა ანთიმოზის მრავალმხრივი მემკვიდრეობის პრაქტიკულად ყველ ასპექტს რომელიც წარმოდგენილია ქართველ და უცხოელ მეცნიერთა კვლევებში. წიგნში ტექსტები ქართულ და ინგლისურ ენაზეა წარმოდგენილი და ახლავს შესაბამისად რეზიუმეები. წიგნი შემდეგი თანამიმდევრობით არის გაშლილი: ცხოვრება და ღვაწლი; ღვთისმეტყველება; ფილოსოფია, განმანათლებლობა, ჰუმანიზმი; ენა, კულტურა და ევროპული ინტეგრაცია. დასკვნით ნაწილში წარმოდგენილია წმინდანის ცხოვრების ამსახველი აქამდე უცნობი ფაქტები.
წიგნს ერთვის მოკლე ცნობები ავტორთა შესახებ ქართულ და ინგლისურ ენაზე.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : პარ, 09/02/2018 - 12:15.
Ulin, Jeffrey C. The Business of Media Distribution: Monetizing Film, TV, and Video Content in an Online World: Second edition. - London, New York: Focal Press, Taylor & Francis Group, 2014. – 625 p.
ISBN 978-0-240-82423-9
წიგნში განიხილება თუ როგორი კონცეფციაა მომგებიანი მედია მარკეტინგში, და როგორაა განაწილებული ინდუსტრიის ქვედა ხაზის დომინირება, მაღალი პროფილის ელემენტებზე (წარმოება, შემოქმედებითი, კანონი, ფინანსები და მარკეტინგი).
დღესდღეობით ძირითადი გლობალური ბაზრის სეგმენტებია: ფილმი, სატელევიზიო, ვიდეო და ონლაინ / ციფრული მასალები.
მიმდინარე გამოცემა განმარტავს აპების, ტაბლეტების, ჭკვიანი ტელეფონების, სოციალური მედიის, სოციალური თამაშების მიწოდების მნიშვნელობას, განიხილავს ციფრული კინოს და 3D ფილმების ინდუსტრიულ ზრდას, იკვლევს ცვლილებებს სახლში და ვიდეო-ბიზნესში, გვიჩვენებს, თუ როგორ ხდება ინტერნეტ სერვისები მნიშვნელოვანი სატელევიზიო ბაზარზე.
წიგნში განხილულია ჰოლივუდის ვარსკვლავების მარკეტინგული განაწილება, ფილმების დრაივერების ფულადი ინდუსტრიული ბიზნესი და მედია განაწილების ბიზნესი.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : პარ, 09/02/2018 - 12:11.
Avery, John. Hyperspherical Harmonics: Applications in Quantum Theory. Applications oi Quantum Theory. – Dordrecht, Boston, London: Kluwer Academic Publishers, 1989. – 276 p.
ISBN: 0-79230165-X
წიგნი მნიშვნელოვანია მათემატიკის, ბირთვული ფიზიკის, ატომური ფიზიკისა და კვანტური ქიმიის სფეროს მკვლევარებისთვის. წიგნში ძალან უხვად არის 3D ამოცნობის მაგალითები.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : პარ, 09/02/2018 - 12:06.
Hospitality Marketing : third edition / David Bowie, Francis Buttle, Maureen Brookes, Anastasia Mariussen. - London, New York: Routledge, Taylor & Francis Group, 2017. – 409 p.
ISBN 978-1-138-92748-3
ეს გაცნობითი ხასიათის სახელმძღვანელოს აჩვენებს, თუ როგორ უნდა იქნას გამოყენებული მარკეტინგის პრინციპები სტუმართა მიღების ეტიკეტის ინდუსტრიაში.
სტუდენტთა მოდულების ფარგლებში სპეციალურად დაწერილი სახელმძღვანელო შეიცავს წარმატებულად გამოყენებადი იდეების და ცნებების განხორციელების მაგალითებს რეალური ცხოვრებაში. სახელმძღვანელოში განხილულია ისეთი აქტუალური თემები როგორიცაა: სტატიკური მარკეტინგი, კორპორატიული პასუხისმგებლობა და ურთიერთობების მარკეტინგი, აგრეთვე ინტერნეტის სწავლების ფართო სპექტრი.
მიმდინარე გამოცემა შეიცავს რესტორნების, კაფეებისა და სასტუმროების ინოვაციურ კვლევებს.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
გაუგზავნე შეკითხვა ან რჩევა ბიბლიოთეკას
აკადემიური ლექსიკონი
სამხედრო ლექსიკონი
