მიმდინარეობს საიტის განახლება
ბიბლიოთეკის კატალოგი
| ძიება ქართულ ბიბლიოთეკებში | ძიება ქართულ ლექსიკონებში და ენციკლოპედიებში | ძიება მსოფლიოს უნივერსიტეტების ღია სამეცნიერო არქივებში |
new publications-ის ბლოგი
ახალი წიგნი ჩვენს ბიბლიოთეკაში
გამოაქვეყნა new publications-მ : სამ, 24/04/2018 - 16:40.
დადიანი, თამარ. შუა საუკუნეების ქართული ქანდაკება / თ. დადიანი, ე. კვაჭატაძე, თ. ხუნდაძე; გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი; რედ. დ. თუმანიშვილი. - თბ.: სეზანი, 2017. - 424 გვ.
ISBN: 978-9941-27-498-5
Dadiani, Tamar. Medieval Georgian Sculpture / T. Dadiani, E. Kvachatadze, T. Khundadze; George Chubinashvili National Research Centre for Georgian Art History and Heritage Preservation; Ed. D. Tumanishvili. – Tb. : Cesanne, 2017. – 375 p.
ISBN: 978-9941-27-498- 2
ნაშრომში ერთ მთლიანობადაა წარმოდგენილი შუა საუკუნეების ქართული ქანდაკების თოთხმეტსაუკუნოვანი განვითარება, მისი საერთო სურათი, დღეისათვის არსებული სამეცნიერო ცოდნის შეჯამების საფუძველზე გაანალიზებულია მისი ძირითადი ტენდენციები და არსებითი მახასიათებლები. მონოგრაფია ძეგლთა ქრონოლოგიური რიგის მიხედვით ცალკეულ თავებადაა დაყოფილი. წიგნში თითოეული რელიეფი განხილულია იკონოგრაფიული, სემანტიკური და სტილური თვალსაზრისით. პროექტის განხორციელების შედეგად თავი მოეყარა შუა საუკუნეების რელიეფური ქანდაკების მრავალრიცხოვან ნიმუშს, მოხდა არაერთი მათგანის იდენტიფიცირება. საქართველოს სხვადასხვა რეგიონში მრავლად ჩატარებული ექსპედიციების წყალობით შესაძლებელი გახდა როგორც დღემდე უცნობი ძეგლების აღმოჩენა, ისე ჩვენთვის ცნობილ ნიმუშთა ახლიდან ფოტოფიქსაცია. ამგვარად, წიგნში პირველად ქვეყნდება ახლადაღმოჩენილი, სამეცნიერო წრისთვის უცნობი რამდენიმე რელიეფური ქანდაკება. ბუნებრივია, წიგნში გამოყენებულია აგრეთვე სხვადასხვა ავტორის, ჩვენთვის ხელმიუწვდომელი ძეგლების ფოტოებიც (მაგ., ოკუპირებული რეგიონების და სხვ.).
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : სამ, 24/04/2018 - 15:48.
Кавказский сборник. Т.№10 (42) / МГИМО МИД России; Институт Международных исследований; Центр проблем Кавказа и региональной безопасности. – М.: Асспект Пресс, 2017. – 415 с.
ISBN978-5-7567-0949-0
Кавказский сборник-ის მე-10 ტომი შეიცავს სტატიებს კავკასიის ისტორიის, ისტორიამცოდნეობის, ისტორიოგრაფიის, ეთნოლოგიისა და კულტუროლოგიის შესახებ. წიგნში გამოქვეყნებულია ახალი საარქივო დოკუმენტები კავკასიის ომის შესახებ. აქვე წარმოდგენილია მოსკოვის საერთაშორისო ურთიერთობების სახელმწიფო ინსტიტუტის პროფესორის ა. ბოგატუროვის ავტობიოგრაფიული ჩანაწერები.
კრებულის გამოცემა 2004 წლიდან დაიწყო და მთლიანად მოიცავს 127 ავტორის 240 სტატიას მთლიანი კავკასიის (და არა მხოლოდ) მასშტაბით, კრებული თავისთავში აერთიანებს პროფესიონალების მთელ გუნდს და ეხება ყველა პირადულ ტუ საყოველთაო პრობლემებს.
ამჯერად მიმდინარე ტომი განკუთვნილია კავკასიის ისტორიის, ეთნოლოგიისა და არქეოლოგიის მკვლევართათვის.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : სამ, 24/04/2018 - 15:44.
ქართულ-ოსურ-რუსულ-ინგლისური და ოსურ-ქარტუ-რუსულ0ინგლისური სასაუბრო = Гуырдзиаг-Ирон-Уырыссаг-Англисаг æмæ Ирон- Гуырдзиаг- Уырыссаг- Англисаг ныхасгæнæн = Грузинско-Осетинско-Русско-Английский и Осетинско- Грузинско- Русско- Английский разговорник = Georgian-Ossetian-Russian-English and Ossetian-Georgian-Russian-English Phrasebook / შემდგ. და მთ რედ. ნაირა ბეპიევი. – [თბ.]., 2017. – 345 გვ.
ISBN 978-9941-26-070-4
წიგნი არის პირველი პრეცენდენტი ყველა ამ ენაზე წარმოადგინოს ფრაზეოლოგიურად საკმაოდ რთული ენების კონსტრუქციები და მიაწოდოს იგი მკითხველს მისთვის საჭირო ფორმით. სასაუბროს ერთვის ლექსიკონიც რაც აადვილებს ლექსიკისა და ტერმინოლოგიის შესწავლას. აგრეთვე ახლავს ქართულ-ოსური ანბანიც სატანადო ტრანსკრიფციით. სასაუბროში წარმოდგენილია ასზე მეტი თემა, მათ შორისაა: მისალმება, მოკითხვა, დამშვიდობება, გაცნობა, თანხმობა, მიპატიჟება, სახელი ასაკი და მრავალი სხვა. სასაუბროს ერთვის კომპაქტდისკი, რომელშიც ჩაწერილია ყველა ძირითადი თემა და მოკლე ტექსტები ქართულ და ოსურ ენებზე.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : სამ, 24/04/2018 - 15:40.
არქიტექტურა და იდენტობა : საეკლესიო მშენებლობა თბილისში (1801-1918) = Architecture and Identity Church Building in Tbilisi (1801-1918) / დავით ხოშტარიას საერთო რედაქციით; გ. ჩუბინაშვილის სახ. ქართული ხელოვნების ისტორიისა და ძეგლთა დაცვის ეროვნული კვლევითი ცენტრი. - თბ., 2016. – 261 გვ.
ISBN 978-9941-0-8781-3
წიგნის ამოცანას წარმოადგენს ერთი მხრივ თბილისის ეთნოკონფესიურ თემთა ეროვნული თუ რელიგიური იდენტობის ასახვა მათ არქიტექტურაში და მეორე მხრივ თავად არქიტექტურის როლი ამ იდენტობის ფორმირებაში. წიგნში ისმება პრობლემა ქართველ და რუს მართლმადიდებელთა, მონოფიზიტ სომეხთა, ქართველ, სომეხ და პოლონელ კათოლიკეთა და გერმანულ ლუთერანთა საეკლესიო შენობების როლი მათ ეროვნულ და რელიგიურ იდენტობის ჭრილში. წიგნში უხვად არის წარმოდგენილი ფერადი ილუსტრაციები, რაც თვალნათლივ გვანახებს თითოეული კონფესიის ჩართულობას ქალაქის არქიტექტურულ ფორმირებაში.
კვლევა განხორციელდა შოთა რუსთაველის ეროვნული სამეცნიერო ფონდის ფინანსური მხარდაჭერით.
წიგნს ახლავს სურათების სია (192 სხწ.) და სურათების წყაროები.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ოთხ, 28/03/2018 - 17:49.
ქართული ისტორიული საბუთების კორპუსი IV. ქართული ისტორიული საბუთები XVI საუკუნე : (ქართლი და სამცხე-საათაბაგო) = Georgian Historical Documents 16th Century : (Kartli and Samtskhe-Saatabago) / კორნელი კეკელიძის სახ. საქართველოს ხელნაწერთა ეროვნული ცენტრი; საქართველოს ეროვნული არქივი; ტომი შეადგ. და ქართული ტექსტები გამოსაც. მოამზადა მ. სურგულაძემ, სპარსული ტექსტები მოამზადა თ. აბაშიძემ; ტომის რედ.: ზ. აბაშიძე, ე. ცაგარეიშვილი. - თბ., 2016. – 746 გვ.: ტაბ.
ISBN 978-9941-25-427-7
უაღრესად ღირებული და ამავდროულად საკმაოდ ვრცელი ქართული ისტორიული საბუთების კორპუსის წიგნი თავდაპირველად 1984 წელს გამოიცა და IX-XIII საუკუნეებს მოიცავდა. ისტორიული საბუთების კორპუსის თითოეული ტომი ქართლის სამეფოს ჩვენამდე მოღწეული ისტორიული საბუთების გაცნობის ერთგვარ მნიშვნელოვან და ამავდროულად საინტერესო ცნობად წარმოგვიდგება.
მიმდინარე ტომში მკითხველი გაეცნობა XVI საუკუნიდან შემონახულ სამცხე საათაბაგოს ისტორიულ საბუთებს; ოფიციალურ პირთა - მეფეთა, დედოფალთა, საეკლესიო იერარქთა და ფეოდალური არისტოკრატიის წარმომადგენელთა ბრძანება განკარგულებებს, იურიდიულ გარიგებებს, სასამართლო აქტებს, რომელთა სამართლებრივ შინაარსს ამ დროისათვის უკვე ტრადიციულად დამკვიდრებული სოციალური სტრუქტურები და მიწათმფლობელობის ფორმები განსაზღვრავენ. აქ აგრეთვე გადმოცემულია საეკლესიო ცხოვრების სფეროში გამოვლენილი სამცხე-საათაბაგოს მმართველთა სეპარატისტული პოლიტიკა.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ოთხ, 28/03/2018 - 17:41.
ჯაფარიძე, გოჩა. ქართველთა სავანეები და სამონასტრო თემი წმინდა მიწაზე XI-XVIII საუკუნეებში : (არაბული ნარატიული და დოკუმენტური წყაროების მიხედვით) = The Georgian monasteries and Monastic Community in the Holy Land in the 11th-18th Centuries : (According to the Arabic Narratives and Documents Sources) / ივანე ჯავახიშვილის სახელობის თბილისის სახელმწიფო უნივერსიტეტი. - თბ.: მერიდიანი, 2018. – 364 გვ.
ISBN 978-9941-9497-0-8
ქართული სამონასტრო თემის შესწავლის ისტორია საკმაოდ ვრცელი და შორეულია, მკვლევარები დიდი ხნის მანძილზე იყენებდნენ იერუსალიმის ჯვრის მონასტრის აღაპებს და ნარატიულ წყაროებს ქართულ, სომხურ, რუსულ და დასავლეთ ევროპულ ენებზე. ჩანაწერები სამონასტრო თემის ისტორიის შესახებ XI-XVII საუკუნეებს ითვლის. ეს არის პალესტინაში იერუსალიმის ჯვრის მონასტრის; ქართველ დედათა მონასტრის; შაჰინის; წმ. თეკლას; წმ. გიორგის; წმ. ეკატერინეს და სხვა მრავალი მონასტრების ნარატიული მასალები.
წიგნში ცალკე მხარე აქვს დათმობილი მამლუქ სულტნებსა და ოსმალთა ბატონობას. აგრეთვე განხილულია არაბული დოკუმენტები. ამ კვლევამ, საკმაოდ სპეციფიკური და სხვადასხვა მდივნის მიერ სხვადასხვა ხელით დაწერილი ტექსტის წაკითხვა-კომენტირებამ და საკვლევი პრობლემის მონოგრაფიულმა შესწავლამ, მოითხოვა საკმაოდ ვრცელი ქართული, არაბული და ევროპული ნარატიული წყაროებისა და ამავდროულად უახლესი დასავლური გამოკვლევების ცალკე შესწავლა.
ეს წიგნი თავისი მნიშვნელობით, შეიძლება ითქვას, წარმოადგენს ახალ ეტაპს
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ორშ, 19/03/2018 - 12:28.
ყიფიანი, დიმიტრი. თხზულებანი. ტ. II. პუბლიცისტიკა, ლიტერატურული წერილები, საისტორიო თხზულებები / საქართველოს პარლამენტის ეროვნული ბიბლიოთეკა; კორნელი კეკელიძის სახელობის ხელნაწერთა ეროვნული ცენტრი; გიორგი ლეონიძის სახელობის ქართული ლიტერატურის სახელმწიფო მუზეუმი. - თბ.: ეროვნული ბიბლიოთეკის გამომცემლობა, 2017. – 520 გვ.: ფოტო.
ISBN 978-9941-27-609-5
დიმიტრი ყიფიანის ნაწერები, რომელთა მნიშვნელოვანი ნაწილი აქამდე არ გამოქვეყნებულია მრავალმხრივ საინტერესო მასალაა XIX საუკუნის ქართული საზოგადოებრივ-პოლიტიკური ცხოვრებისა და საზოგადოებრივი აზრის ისტორიისათვის. წიგნი კი თავისთავად, საკმაოდ მრავალმხრივი და ბევრის მომცველი, ამავდროულად უაღრესად მნიშვნელოვანი, არა მხოლოდ სპეციალისტებისათვის ხდება მნიშვნელოვანი არამედ მკითხველთა ფართო წრისათვის.
ამჯერად დიმიტრი ყიფიანის თხზულებათა ათტომეულის მეორე ტომს განვიხილავთ. აქ შესულია ავტორის პუბლიცისტური, ლიტერატურული და საისტორიო თხზულებები. მისი გაცნობისას მკითხველი აღმოაჩენს ისეთ საინტერესო პუბლიცისტურ მასალებს, რომლებიც დაწერილია „მეომართ ცოლ-შვილისათვის საზრუნველი საზოგადოების“ გამო; „ქართული სათეატრო ამხანაგობის“ შესახებ; „წერა-კითხვის საზოგადოებაზედ“; ხიზანთა საკითხი; „რომეო და ჯულიეტას“ თარგმანის ბეჭდვისას დაშვებული შეცდომების გამო; ჰიუგო. „ოთხმოც-და-ცამეტიდამ“; თამარ მეფის საუკუნე და კიდევ ბევრ სხვა მნიშვნელოვან პასაჟებს.
წიგნში ერთვის საკმაოდ ვრცელი: დამოწმებანი; შემოკლებანი და პირთა და გეოგრაფიულ სახელთა საძიებლები გვ.: 387-518.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
ახალი წიგნი ჩვენს ბიბლიოთეკაში
გამოაქვეყნა new publications-მ : ორშ, 26/02/2018 - 11:47.
ჯორბენაძე, თეიმურაზ. კერძო პათოლოგიური ანატომია: ორ წიგნად. [წ. II] / თ. ჯორბენაძე, გ. პატარაია, ნ. ჯორბენაძე, ტ. მერმანიშვილი; ივანე ჯავახიშვილის სახელობის თბილისის სახელმწიფო უნივერსიტეტი; რედ. თ. ჯორბენაძე. - თბ.: უნივერსიტეტის გამომცემლობა, 2017. - 776 გვ.
ISBN 978 -9941-13 -566 - 8 ( I და II წიგნის)ISBN 978 -9941-13 -568 -2 (II წიგნის)
სახელმძღვანელო შედგენილია ივანე ჯავახიშვილის სახელობის თბილისის სახელმწიფო უნივერსიტეტის სასწავლო-მეთოდური სამმართველოს მიერ დამტკიცებული პროგრამის მიხედვით. მასში წარმოდგენილია მონაცემები ავადმყოფობათა სტრუქტურული საფუძვლების შესახებ.ნაშრომში, თავების სახით, შემდეგი საკითხებია გადმოცემული: სისხლისა და სისხლმბადი ორგანოების პათოლოგია, ლიმფორეტიკულური სისტემის ორგანოების ავადმყოფობები, გულ-სისხლძარღვთა სისტემის ავადმყოფობები, სასუნთქი ორგანოების პათოლოგია, საჭმლის მომნელებელი სისტემის ორგანოთა ავადმყოფობები, ღვიძლის, ნაღვლის ბუშტისა და კუჭქვეშა ჯირკვლის ავადმყოფობები, თირკმელებისა და საშარდე გზების ავადმყოფობები, ქალის სასქესო ორგანოების ავადმყოფობები, მამაკაცის სასქესო სისტემის ავადმყოფობები, სარძევე ჯირკვლების ავადმყოფობები, ორსულობისა და ლოგინობის ხანის პათოლოგია, პრე- და პოსტნატალური დარღვევები, ბავშვთა ასაკის ავადმყოფობები, ენდოკრინული სისტემის, კვებისა და ნივთიერებათა ცვლის დარღვევით გამოწვეული ავადმყოფობები, ინფექციური ავადმყოფობები, კანის ავადმყოფობები, ძვალკუნთოვანი სისტემის პათოლოგია, ცენტრალური ნერვული სისტემის, თვალისა და ყურის ავადმყოფობები, კბილების, ყბების ძვლებისა და პირის ღრუს ორგანოების ავადმყოფობები.
სახელმძღვანელო განკუთვნილია უნივერსიტეტების მედიცინის ფაკულტეტებისა და სამედიცინო ინსტიტუტების სტუდენტებისათვის.
»
- კომენტარების გამოსაქვეყნებლად საჭიროა შესვლა ან დარეგისტრირება
- იხ. ვრცლად
გაუგზავნე შეკითხვა ან რჩევა ბიბლიოთეკას
აკადემიური ლექსიკონი
სამხედრო ლექსიკონი
