ეს არის თანამედროვე სერვისი, რომელიც მომხმარებელს სთავაზობს დედამიწის სრულიად ახალ უნიკალურ მოდელს. ახლა უკვე ყველას ეძლევა საშუალება სახლში, ვირტუალურად წყალქვეშა ნავით იმოგზაუროს დედამიწის ბოლო საზღვრამდე. როგორც ოკეანოგრაფები ამბობენ, მარსის ზედაპირის შესახებ უფრო მეტი ცნობა არსებობს, ვიდრე დედამიწაზე არსებული წყლების სიღრმეების კვლევების შესახებ. თუმცა ეს ფრაგმენტული ათვისება, უკვე საკმაოდ მნიშვნელოვანი აღმოჩნდა.

http://www.geocinema.ge/ge/

საიტზე სრულყოფილადაა მოცემული, ამოუწურავი და დაუსრულებელი მასალა ქართული კინოხელოვნების, ისტორიის, კინოწარმოების, კინოკავშირის წევრების, მსახიობების, რეჟისორების, პროდიუსერების და ა.შ. ნებისმიერი საკითხის შესახებ. ეს არის ძალიან საინტერესო და მნიშვნელოვანი ინფორმაციები. პირველივე გვერდზე გამოტანილი მოკლე ისტორიული რაკურსიდან ვიგებთ 1900 წელს „ჯონ მორისის“ ფსევდონიმით ქართველი მოგზაურის პირველი მნიშვნელოვანი გადაღებების შესახებ, ლუმიერების სისტემის საპროექციო აპარატით; შემდეგ მოგვიანებით გოლოვინის პროსპექტზე გახსნილ კინოსტაციონარ „ილუზიონი“-ს შესახებ; ამას მოსდევს ცნობა 1912 წელს  ვასილ ამაშუკელის პირველი სრულმეტრაჟიან დოკუმენტურ ფილმზე „აკაკი წერეთლის მოგზაურობა რაჭა-ლეჩხუმში“;

http://www.goodplanet.info/eng/
საიტი (რომლის სახელწოდება – Good Planet – ითარგმნება, როგორც „კარგი პლანეტა“) მიზნად ისახავს ფართოდ გაავრცელოს გარემოსდაცვასა და საზოგადოებრივ პრობლემებთან დაკავშირებული ინფორმაცია. იგი წარმოგვიდგება საგანმანათლებლო წყაროს სახით და საშუალებას იძლევა მივიღოთ პლანეტაზე მიმდინარე ბუნებრივ ცვლილებებთან დაკავშირებული სანდო, თანამიმდევრული ცნობები ინტერნეტ თუ დოკუმენტურ სივრცეში.

საიტის სქემა (ბმულების ზოლი):
საკვები და სოფლის მეურნეობა (კვების მრეწველობა, მეცხოველეობა, სოფლის მეურნეობა, მეთევზეობა, ტყეები, ბიოსაწვავი, პესტიციდები, ...)
ბიომრავალფეროვნება (ინვაზიური სახეობები, ოკეანეები, არქტიკა-ანტარქტიკა, ტყეები, ჭაობები, ...)

(http://www.iranica.com)

Encyclopedia Iranica ეძღვნება ირანის ცივილიზაციის შესწავლას შუა აღმოსავლეთში, კავკასიაში, ცენტრალურ აზიასა და ინდოეთის სუბკონტინენტებზე. ეს აკადემიური ცნობარი მთლიანად მოიცავს ირანის ისტორიასა და კულტურას; ენასა და ლიტერატურას; არქეოლოგიასა და პოლიტიკურ მეცნიერებებს.
ენციკლოპედია საერთაშორისო თანამშრომლობის პროექტია. იგი დაფუძნდა კოლუმბიიის უნივერსიტეტში, ნიუ იორკში. ერთი შეხედვით მას მიღებული აქვს ვიკიპედიის ფორმატი და ქმნის ავტორიტარულ ინგლისურენოვან საიტს, რომელიც მთლიანად მიმართულია ირანიკის შესწავლის პერსპექტივაზე. პროექტის მიზანია მოიცვას ყველა ის გეოგრაფიული ადგილი, სადაც ირანული ენა დომინირებს და ამდენად ეხება ავღანეთის, ტაჯიკეთის, ანატოლიის, ქურთისტანის, ასევე მესოპოტამიის, შუა აზიის, ჩინეთისა და ევროპის სხვა ქვეყნების როლს ირანის კულტურაში.

http://www.euratlas.net/history/europe/index.html

ევროპის ქრონოლოგიური ატლასი წარმოგვიდგენს 21 ისტორიულ რუქას. თითოეული მათგანი ასახავს ევროპაში მიმდინარე პოლიტიკურ მოვლენებს განსაზღვრულ  პერიოდში – შესაბამის საუკუნეში.
ევროპის ისტორიული ონლაინ-ატლასი გვიჩვენებს ევროპის კონტინენტისა და ხმელთაშუა-შავი ზღვის აუზის რუქებს ჩვ. წ.-ით 1 წლიდან 2000 წლის ჩათვლით.
ეს არის 21 მინი-რუქა, რომლების ნახვა შეიძლება უფრო დეტალურადაც – მეოთხედების მიხედვით (ჩრდილოაღმოსავლეთის, სამხრეთაღმოსავლეთის, ჩრდილოდასავლეთის და სამხრეთდასავლეთის)
ეს რუქები ქმნიან ახალი სახის ისტორიულ ატლასს, რომელიც წარმოგვიდგენს ევროპის კონტინენტის ევოლუციას.