Skip navigation.
მთავარი

საძიებლები

მიმდინარეობს საიტის განახლება

ბიბლიოთეკის კატალოგი

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთეკაში

თქვენი ღონისძიების ჩასატარებლად ეროვნულ სამეცნიერო ბიბლიოთეკაში, გთხოვთ, შეავსოთ სააპლიკაციო ფორმა და გადმოგზავნოთ ელექტრონულ მისამართზე: infopr@sciencelib.ge

ფოტოკონკურსი - „გააცოცხლე ძველი თბილისი“

პროექტის შესახებ:

ქართველი პოეტისა და საზოგადო მოღვაწის, იოსებ გრიშაშვილის 130 წლის იუბილესთან დაკავშირებით თსუ ეროვნული სამეცნიერო ბიბლიოთეკა გთავაზობთ ფოტოკონკურს.

იოსებ გრიშაშვილი იყო არა მხოლოდ პოეტი, არამედ საზოგადო მოღვაწე, ძველი თბილისის დიდი მოამაგე და კოლექციონერი.  მის არქივში მრავალ იშვიათ წიგნთან და საინტერესო ნივთთან ერთად, ძველი თბილისის ყოფის ამსახველი არაერთი ფოტო ინახება.

ფოტოკონკურსის მიზანია, კიდევ ერთხელ წარმოაჩინოს იოსებ გრიშაშვილი, როგორც ძველი თბილისის გულშემატკივარი და ამასთან,  ფართო საზოგადოებას გააცნოს მის კოლექციაში დაცული ფოტომასალა.

ფოტოკონკურსის პირობები:

23 აპრილიდან 4 მაისის ჩათვლით, 7 კვირის განმავლობაში, ყოველ სამშაბათს  16:00 სთ-ზე თსუ ეროვნული სამეცნიერო ბიბლიოთეკის ფეისბუქ გვერდზე დაიდება ძველი თბილისის ფოტო, რომლის ორიგინალიც  გრიშაშვილის საკოლექციო ფონდშია დაცული.

 მონაწილეებმა  უნდა გამოიცნონ  თბილისის რომელი შენობა/ტერიტორიაა ასახული კადრში და გადაიღონ იმავე სივრცის ამსახველი ფოტო.  

ფოტო გადაღებისთანავე უნდა ატვირთოთ შესაბამისი ძველი თბილისის ფოტოს კომენტარებში.

პირველი გამარჯვებული ავტყომატურად გახდება ის ადამიანი, რომელიც ყველაზე სწრაფად გადაიღებს და ატვირთავს ფოტოს კომენტარებში.

ფოტოკონკურსის დასრულების შემდეგ კი სპეციალური ჟიური გამოავლენს კიდევ 7  გამარჯვებულს თითოეული საკონკურსო ფოტოს კომენტარებში ატვირთული ფოტოებიდან.

კონკურსის დასასრულს გაიმართება გამოფენა და გამარჯვებული ფოტოების ავტორების დაჯილდოების ცერემონია. გამარჯვებულებს გადაეცემათ სპეციალური პრიზები.

მიღებული ფოტოები საბოლოოდ  გამოქვეყნდება გრიშაშვილის ბლოგზე და ბიბლიოთეკის  ფეისბუქ გვერდზე.

 

ვის შეუძლია მონაწილეობის მიღება?

ფოტოკონკუსში მონაწილეობის მიღება შეეძლებათ როგორც პროფესიონალ, ისე მოყვარულ ფოტოგრაფებს.  

მონაწილეობის პირობები:

1.  ფოტო უნდა ატვირთოთ პოსტის კომენტარებში და შემდეგ  გამოაგზავნოთ მეილზე infopr@sciencelib.ge 

2.  დასაშვებია ერთი ავტორის მიერ ყოველი  ძველი კადრის  შესაბამისი მხოლოდ ერთი ფოტოს გამოგზავნა.

3. ფოტოს  მეილზე გამოგზავნისას Subject- ში მითითებული უნდა იყოს „ფოტოკონკურსი“ და ფოტოს ნომერი, რომელი კვირის ფოტოსაც აგზავნით.   მაგ:  „ფოტოკონკურსი - ფოტო #3   . ასევე, მეილის ტექსტში უნდა მიუთითოთ ავტორის სახელი, გვარი, ფეისბუქის მისამართი  და ტელეფონის ნომერი.

4. ფოტოს წარმატებით გამოგზავნისას მეილზე მოგივათ დასტური.

5. ფოტოს საავტორო უფლებები უნდა ეკუთვნოდეს ავტორს.

6. კონკურსში მონაწილეობით ავტორი  ეროვნულ სამეცნიერო ბიბლიოთეკას ანიჭებს უფლებამოსილებას, კონკურსში გამარჯვების შემთხვევაში, გამარჯვებული ფოტო კომპანიამ გამოიყენოს საკუთარი შეხედულებისამებრ (ბანერზე, პოსტერზე, ვებ გვერდზე, ჩვენს Facebook და instagram გვერდებზე და ა.შ) ავტორთან  დამატებითი შეთანხმებისა და ანაზღაურების გადახდის გარეშე, ავტორის მითითებით.

7. გამარჯვებული ფოტოს ავტორები დაჯილდოვდებიან  სპეციალური პრიზები.

8.  გამოგზავნილი ფოტოების  უნდა იყოს მაღალი რეზოლუციის JPEG ან JPG ფორმატის.  

შენიშვნა: წესებსა და პირობებზე თანხმობად ითვლება კონკურსში მონაწილეობის მიღება (ფოტოს გამოგზავნა).

გისურვებთ წარმატებებს!

 

საკონტაქტო ინფორმაცია

593 34 02 30

0322 21 27 31