Skip navigation.
მთავარი

საძიებლები

მიმდინარეობს საიტის განახლება

ბიბლიოთეკის კატალოგი

ძიება ქართულ ბიბლიოთეკებში

Create your own Custom Search Engine
ძიება ქართულ ლექსიკონებში და ენციკლოპედიებში
Create your own Custom Search Engine
ძიება მსოფლიოს უნივერსიტეტების ღია სამეცნიერო არქივებში

Create your own Custom Search Engine

ღონისძიების ჩატარება ეროვნულ სამეცნიერო ბიბლიოთეკაში

თქვენი ღონისძიების ჩასატარებლად ეროვნულ სამეცნიერო ბიბლიოთეკაში, გთხოვთ, შეავსოთ სააპლიკაციო ფორმა და გადმოგზავნოთ ელექტრონულ მისამართზე: infopr@sciencelib.ge

2011 წელს სკოლები საბუნებისმეტყველო ლაბორატორიებით აღიჭურვება

2011 წელს სკოლები საბუნებისმეტყველო ლაბორატორიებით აღიჭურვება -
laboratoriatreningi

ტექნიკური დარგების განვითარებისა და სკოლებში საბუნებისმეტყველო საგნების სწავლების დონის ამაღლების მიზნით, 2011 წლის მარტის ბოლომდე 450 ლაბორატორია 150 სკოლაში გადანაწილდება, ხოლო ახალი სასწავლო წლიდან ფიზიკის, ქიმიისა და ბიოლოგიის თანამედროვე ლაბორატორიებით ყველა სკოლა ეტაპობრივად აღიჭურვება. პროგრამა ”აინშტაინის” განხორციელება, განათლებისა და მეცნიერების სამინისტროს ინიციატივით,  2010 წლის 26 ოქტომბრიდან მიმდინარეობს.

სკოლების ლაბორატორიებით აღჭურვის პარალელურად მიმდინარეობს მასწავლებლების გადამზადების პროცესი. დღეს, საქართველოს განათლებისა და მეცნიერების სამინისტროში ფიზიკის, ქიმიისა და ბიოლოგიის მასწავლებლებს ტრენინგი ჩაუტარდათ.

მასწავლებელთა პროფესიული განვითარების ეროვნული ცენტრის ტრენერებმა მასწავლებლებს გააცნეს თანამედროვე ლაბორატორიის შესაძლებლობები. იგი სამი სრული კომპლექტისაგან შედგება. თითოეულში, საგნის (ფიზიკა, ქიმია, ბიოლოგია) მიხედვით, 18 ქვეკომპლექტია გაერთიანებული.

თანამედროვე ხელსაწყოები და აპარატურა პედაგოგებს დაეხმარებათ უფრო საინტერესო და სახალისო გახადონ საბუნებისმეტყველო დისციპლინების სწავლების პროცესი. უახლესი ტექნოლოგიებით აღჭურვილი ლაბორატორიები ხელს შეუწყობს. მოსწავლეთა კვლევითი უნარ-ჩვევების განვითარებას.

ტრენინგს განათლებისა და მეცნიერების მინისტრი დიმიტრი შაშკინი დაესწრო. მინისტრის განცხადებით, მიმდინარე სასწავლო წელს პროგრამა ,,აინშტაინის’’ ფარგლებში საჯარო სკოლები საერთაშორისო სტანდარტების თანამედროვე ლაბორატორიებით აღიჭურვება. ამ მხრივ, აუცილებელია, პედაგოგების გადამზადება და მათთვის ლაბორატორიების გამოყენების სწავლება.

პრეზიდენტის ინიციატივით, ახალი ლაბორატორიების გამოყენებით სხვადასხვა კონკურსები ჩატარდება. საუკეთესო გამოგონების ავტორი მოსწავლეები კი წახალისდებიან.

შესაბამისი ინფრასტრუქტურის დანერგვის პარალელურად, საბუნებისმეტყველო საგნების მასწავლებლებს ტრენინგები  მთელი საქართველოს მასშტაბით განხორციელდება.

[სიახლეები საქართველოს განათლებისა და მეცნიერების სამინისტროდან]