აშშ - მდედრმა მარტორქამ გააჩინა პირველი ინდური მარტორქა ხელოვნური განაყოფიერების შედეგად. პირველი მარცხის შემდეგ მაინც დაიბადა პატარა მარტორქა.

მდედრმა მარტორქამ, ნიკიმ, ცინციტანის (Cincinnati) ინდურ ზოოპარკში გააჩინა პირველი ინდური მარტორქა, რომელიც ხელოვნური განაყოფიერების შედეგია. ამჟამად პატარა მამალი მარტორქა კრიტიკულ მდგომარეობაშია და ზოოპარკის პერსონალი ზრუნავს მასზე.
დედა 1 ოქტომბრიდან მონიტორინგულ კონტროლზე იმყოფებოდა 24 საათის განმავლობაში. ორშაბათს საღამოს ის ძალიან აჟიტირებული გახდა და მოხალისე დამკვირვებლებმა მეორე დილით  ადრიანად დაუძახეს ზოოპარკის პერსონალს. ნიკიმ ბოლოსდაბოლოს იმშობიარა მოხალისეთა ზედამხედველობის (ვიდეოს  საშუალებით) და პერსონალის თვალწინ, რომლებიც დიდი ხანია, შეშფოთებულნი ელოდნენ ამ წუთს. როგორც კი პატარა გაჩნდა, ზოოპარკის პერსონალმა დაიწყო მისი რეანიმაცია, რადგანაც პირველ წუთებში ის არ სუნთქავდა.

ეს პატარა არა მარტო ხელოვნური განაყოფიერები შედაგად გაჩენილი პირველი ინდური მარტორქაა, არამედ გაყინული სპერმით გაჩენილი პირველი მარტორქაცაა. ცინციტანის ზოოპარკის სამეცნიერო ჯგუფმა 2005 წელს აიღო სპერმა ბრონქსის ზოოპარკის მამალი მარტორქისაგან.  -196 °C-ზე კრიობიოლოგიურ ბანკში შენახული სპერმა წარმატებით გამოიყენეს 2009 წლის ივნისში. სამი წლით ადრე ნიკი იყო პირველი დედალი ინდური მარტორქა (საფრთხის ქვეშ მყოფი), რომელიც გაანაყოფიერეს ხელოვნურად გაყინული სპერმით. სამწუხაროდ, სრული ორსულობის შემდეგ მისი პატარა მკვდარი დაიბადა. ასეთი სიკვდილიანობა ხშირია 10 წელზე მეტი ხნის დედალ  მარტორქებთან. მათგან 50 % მკვდარ პატარას შობს. მიუხედავად ამ დრამატული ფაქტისა, ზოოპარკის პერსონალი მაინც იმედიანად იყო, რადგან მსგავსი დრამების შემდეგ, დედალი ინდური მარტორქები ახერხებენ, ბოლომდე მიიყვანონ თავისი ორსულობა და გააჩინონ ცოცხალი პატარები.

ვრცელი ტექსტი (ფრანგულ ენაზე):

http://fr.news.yahoo.com/68/20101030/tsc-le-premier-rhinocros-indien-n-dune-i-04aaa9b.html