ნასა პროგრამა Artemis-ს ახალ მისიას ამატებს, სანამ ნახევარი საუკუნის შემდეგ პირველად, ასტრონავტებს მთვარეზე დასვამს.
პირველადი გეგმის მიხედვით, Artemis II-მ მთვარეს აპრილში უნდა შემოუაროს, არტემის III-ს კი 2028 წელს უნდა ეცადა მთვარეზე დაჯდომა.
მთვარეზე დაჯდომის რეპეტიცია
ახალი გადაწყვეტილებით, Artemis III მიწასთან ახლოს დარჩება და 2027 წელს მთვარეზე დაჯდომის რეპეტიციას დედამიწის დაბალ ორბიტაზე გაივლის.
Nasa-ს განმარტებით, დამატებითი ფრენა მთვარეზე დაბრუნებას არ შეანელებს, კვლავ 2028 წელს იქნება შესაძლებელი და თანაც ერთის მაგივრად ორი დაშვებაც შეიძლება მოხერხდეს მისიებით Artemis IV და V .
მთვარეზე ვიზიტს ჩინეთიც გეგმავს
BBC -ს ინფორმაციით, 2030 წელს, მთვარეზე ვიზიტს ჩინეთიც გეგმავს, მოსამზადებელი სამუშაოები კი წარმატებითი მიმდინრეობს, ამიტომ აშშ-ის მთვარეზე დაბრუნების ამბიციურ გეგმას ამ თვალსაზრისით, დამატებითი წნეხი ახლავს თან.
საგულისხმოა, რომ ორივე სახელმწიფოს დანიშნულების პუნქტად მთვარის სამხრეთ პოლუსი მოიაზრება და ორი მათგანი ბაზის აშენებისთვის უკეთესი ადგილის საპოვნელად ერთმანეთს ეჯიბრება.