18 იანვარს,  ეროვნულ სამეცნიერო ბიბლიოთეკაში ქალაქ თბილისის საჯარო და კერძო სკოლის ბიბლიოთეკარებისთვის ელექტრონული სასკოლო ბაზა EBSCO Explora-ს ტრენინგი ჩატარდა.

ბიბლიოთეკა საჯარო და კერძო სკოლების ბიბლიოთეკებს საჩუქრად სთავაზობს ელექტრონულ ბაზა EBSCO Explora – ს, რომელიც საქართველოს ყველა სკოლისთვის (EBSCO Explora ბაზა) სამი თვით – აპრილის ბოლომდე იქნება ხელმისაწვდომი.

EBSCO EXPLORA საშუალებას აძლევს დამამთავრებელი კლასის მოსწავლეებს გაეცნონ და ჩაუღრმავდნენ ისეთი დარგების არსს და დანიშნულებას როგორიცაა მეცნიერება, მათემატიკა, ინჟინერია, ტექნოლოგიები (STEM) და სხვა. ბაზა ასევე საინტერესოა პედაგოგებისთვის, რადგან მოიცავს სწავლების ინოვაციურ მეთოდებს, ინგლისურენოვანი ქვეყნების სხვადასხვა საგნების სილაბუსებს.