- This event has passed.
„წლის საუკეთესო მიღწევა“
დეკემბერი 18, 2023 @ 12:00 am
18 დეკემბერს, ეროვნული სამეცნიერო ბიბლიოთეკის ორგანიზებით საქართველოს სამეცნიერო და უმაღლესი სასწავლო დაწესებულებებისთვის ჩატარდა რიგით მეექვსე ღონისძიება თემაზე – „წლის საუკეთესო მიღწევა“.
ღონისძიებაში მონაწილეობა მიიღო 41-მა საგანმანათლებლო და სამეცნიერო დაწესებულებამ, სადაც მონაწილეებმა წარმოადგინეს პრეზენტაცია 2023 წლის განმავლობაში მათ მიერ განხორციელებული ყველაზე მნიშვნელოვანი აქტივობის შესახებ.
შეხვედრის მიზანი იყო, ხელი შეეწყო სამეცნიერო და საგანმანათლებლო საქმიანობაში ჩართულ პირებს შორის თანამშრომლობას, შეეკრიბა სხვადასხვა ინსტიტუტის წარმომადგენლები ღია მეცნიერების პრინციპების პოპულარიზაციისთვის.
ჩვენ, როგორც ღია მეცნიერების მხარდამჭერი ორგანიზაცია, ხელს ვუწყობთ გამჭვირვალე და ხელმისაწვდომ კვლევით პრაქტიკას. ამ პროექტის საშუალებით ჩვენ ვცდილობთ, შევქმნათ საერთო სივრცე ერთობლივი სამეცნიერო პროექტების დაგეგმვისა და განხორციელებისთვის.
ეროვნული სამეცნიერო ბიბლიოთეკა შეადგენს ელექტრონულ ჟურნალს, სადაც განთავსებული იქნება ღონისძიებაზე ორგანიზაციების მიერ წარმოდგენილი პრეზენტაციები.
ღონისძიება ჩატარდა საქართველოს განათლებისა და მეცნიერების სამინისტროს მხარდაჭერით.
მადლობას ვუხდით ღონისძიების თითოეულ მონაწილეს, წარმატებასა და ბევრ მნიშვნელოვან მიღწევას ვუსურვებთ!