ეროვნულმა სამეცნიერო ბიბლიოთეკამ 1 ივნისს სკოლებს შორის ინოვაციური და კრეატიული იდეების კონკურსის („კრეატიული აზროვნება და ინოვაციური იდეების მოფიქრება“) მონაწილე სკოლებს საჩუქრად გადასცა ბიბლიოთეკის ელექტრონული კატალოგის შესაქმნელი პროგრამა Openbiblio.

სკოლის ბიბლიოთეკების წარმომადგენლებს ჩვენს სივრცეში ჩაუტარდათ ტრენინგი ინტეგრირებული საბიბლიოთეკო სისტემა OpenBiblio-ს გამოყენებისა და მართვის შესახებ.

საბიბლიოთეკო პროგრამა Openbiblio განკუთვნილია სასკოლო, საუნივერსიტეტო, ასოციაციებისა და ორგანიზაციების ბიბლიოთეკებისთვის. მასში შესაძლებელია 60000-მდე ბიბლიოგრაფიული ჩანაწერის გაკეთება და მართვა.

მისი საშუალებით ხდება საბიბლიოთეკო პროცესის ავტომატიზაცია:

ლიტერატურის ნებისმიერი სახეობის (წიგნი, დისკი, პერიოდული გამოცემა, რუკა თუ სხვა) ბიბლიოგრაფიული დამუშავება;

ლიტერატურის მოძიება და გაცემა;

ელექტრონულ კატალოგში შეტანა;

მკითხველთა აღრიცხვა;

მკითხველებზე ლიტერატურის გაცემის, დაჯავშნის და უკან დაბრუნების ვადების აღრიცხვა და სტატისტიკური ცნობების დაანგარიშება (მაგ.: „ყველაზე პოპულარული წიგნები“, „გაცემული ლიტერატურა“, „დავალიანების მქონე მკითხველები“ და სხვა).