openscience.ge არის ერთიანი, საგანმანათლებლო, ინსტიტუციურ და სამეცნიერო საცავებზე მორგებული ციფრული რეპოზიტორიუმი – ქართული სამეცნიერო ნაშრომების ციფრულ საცავი. openscience.ge არის პირველი რესურსი, რომელიც გახდა ევროპის ღია მეცნიერების ღრუბლის (EOSC) წევრი კვლევის, ინოვაციისა და საგანმანათლებლო საქმიანობის განხორციელების მიზნით.
რეპოზიტორიუმი ელექტრონულ ფორმატში ინახავს ციფრული კვლევითი ობიექტების (სტატიები, მონოგრაფიები და სხვა სამეცნიერო მასალები) ერთობლიობას და ამასთან ერთად ქმნის ქართველი მეცნიერების შესახებ მონაცემების ერთიან რეპოზიტორიუმს.
openscience.ge საშუალებას იძლევა სამეცნიერო სივრცისათვის მარტივად აღქმადი გავხადოთ მასში არსებული მასალების ბიბლიომეტრული თუ სტატისტიკური მონაცემები ქვეყნის, რეგიონისა და მსოფლიოს მასშტაბით. მეცნიერებს, გამომგონებლებს, კომპანიებსა და მოქალაქეებს საშუალება ეძლევათ გამოაქვეყნონ, მოიძიონ და გამოიყენონ მონაცემები და სერვისები კვლევის, ინოვაციისა და საგანმანათლებლო მიზნებისთვის როგორც ქართული, ასევე მსოფლიო სამეცნიერო საზოგადოების მასშტაბით. რეპოზიტორიუმში ძიების განხორციელება შესაძლებელია სექციურად – მკვლევარების, კვლევის შედეგების, ორგანიზაციებს და სხვა კრიტერიუმების მიხედვით. თითოეულ სექციაში კი ძიება შესაძლებელია ანბანურად – ავტორის, სათაურის, გამოცემის თარიღის, თემის და სხვ. მონაცემებით.
CRIS-ის სისტემური სფერო თავის თავში აერთიანებს: პიროვნებას (მკვლევრის ავტორიტეტული პროფილი, ბიორგაფიული მონაცემები) და კვლევის შედეგებს (პუბლიკაცია, პატენტი, პროექტები, პრეზენტაცია, სარედაქციო მიმოხილვა და ა.შ.). აქვე წარმოდგენილია ინფორმაცია (მეტრიკა, ბიბლიომეტრია, სტატისტიკა) აღრიცხული მონაცემების მართვის შესახებ . CRIS-ის თითოეული მეტამონაცემი საშუალებას იძლევა გადავიდეთ მკვლევრის ბიბლიომეტრულ პროფილზე – Scopus, Googl Scholar ან სხვა ბაზებში და გავეცნოთ სამეცნიერო პროდუქტიულობის ანალიზს (სტატიების რაოდენობა, მაღალრეიტინგული სტატია, ციტირების ინდექსი, h ინდექსი და სხვ.).
Openscience.ge რეპოზიტორიუმში შესაძლებელია თვალი ვადევნოთ მასშივე არსებულ სტატისტიკურ შედეგებს რეგიონის, ქვეყნების, ქალაქებისა და დროის მიხედვით – საქართველოსა და მსოფლიოს მასშტაბით, როგორც კონკრეტული მეცნიერის, ასევე, სტატიის შემთხვევაში.