რატომ შეიძლება იყოს ხელოვნური ინტელექტი უკიდურესად საშიში?

ხელოვნური ინტელექტის ალგორითმები მალე მიაღწევენ სწრაფი
თვითგანვითარების წერტილს, რაც საფრთხეს შეუქმნის მათი გაკონტროლების
შესაძლებლობას და კაცობრიობას დიდი პოტენციური რისკის ქვეშ დააყენებს.

კეთილი იყოს თქვენი მობრძანება ხელოვნური ინტელექტის (AI) სამყაროში,
სადაც მანქანები სწავლობენ, ადაპტირდებიან და დამოუკიდებლად იღებენ
გადაწყვეტილებებს. თვითნასწავლი მანქანების იდეა შეიძლება მომხიბვლელ
ტექნოლოგიურ წინსვლად მოგვეჩვენოს, მაგრამ რა მოხდება, თუ ეს
ინტელექტუალური სისტემები ჩვენს წინააღმდეგ შემობრუნდებიან? რა
მოხდება, თუ მათზე კონტროლს დავკარგავთ? ამ ბლოგ პოსტში ჩვენ
გამოვიკვლევთ ხელოვნური ინტელექტის პოტენციურ საფრთხეებს – იქნება ეს
ცნობიერი, თუ არა. ჩვენ ასევე განვიხილავთ, შეიძლება თუ არა ხელოვნური
ინტელექტის გამოყენება სასიკეთოდ და არსებობს თუ არა შეშფოთების მიზეზი
ჩვენს ცხოვრებაზე მისი სამომავალო გავლენის გამო. ასე რომ, შეიკარით უსაფრთხოების ღვედები, რადგან უნდა ჩავუღრმავდეთ ხელოვნურიინტელექტის სამყაროს!

რა არის ხელოვნური ინტელექტი (AI)?
ხელოვნური ინტელექტი (AI) არის მანქანების უნარი, შეასრულონ ისეთი
ამოცანები, რომლებიც, როგორც წესი, მოითხოვს ადამიანის ინტელექტს,
როგორიცაა სწავლა, მსჯელობა და პრობლემის გადაჭრა. ეს ტექნოლოგია
კომპიუტერებს საშუალებას აძლევს, სწრაფად და ზუსტად დაამუშავონ დიდი
რაოდენობით მონაცემები, რაც შესაძლებელს გახდის შაბლონების ამოცნობას,
პროგნოზების გაკეთებას და რთული ოპერაციების განხორციელებასაც კი.
არსებობს ორი სახეობის ხელოვნური ინტელექტი (AI): ვიწრო ან სუსტი AI და
ზოგადი, ან ძლიერი AI. ვიწრო AI შექმნილია კონკრეტული ამოცანისთვის,
როგორიცაა სახის ამოცნობის პროგრამული უზრუნველყოფა, რომელსაც იყენებენ
სამართალდამცავი უწყებები. მეორეს მხრივ, ზოგად ან ძლიერ AI-ს შეუძლია
აზროვნება ისე, როგორც ადამიანებს აკეთებენ – შემოქმედებითად, საღი აზროვნებით და ემოციებით.
ხელოვნური ინტელექტის გამოყენების ერთ-ერთი მაგალითია თვითმართვადი
მანქანები, რომლებიც იყენებენ მანქანათმცოდნეობის ალგორითმებს
სენსორებთან და კამერებთან კომბინაციაში გზებზე უსაფრთხოდ
ნავიგაციისთვის, ადამიანის ჩარევის გარეშე. კიდევ ერთი მაგალითია
ვირტუალური ასისტენტები, რომლებსაც შეუძლიათ მომხმარებლების
ბრძანებების აღქმა ბუნებრივ ენაზე და შესაბამისად რეაგირება.
ხელოვნური ინტელექტი (AI) აგრძელებს სწრაფ განვითარებას და მისი
აპლიკაციები ყოველდღიურად სულ უფრო დახვეწილი ხდება. თუმცა, არსებობს
მღელვარება, საზოგადოებაზე მისი პოტენციური გავლენის გამო, სამუშაოზე
ჩანაცვლებასთან დაკავშირებით და ეთიკური მოსაზრებები პირად ცხოვრებაში
შეჭრის შესახებ.

რა საფრთხეებს გულისხმობს AI?
AI ნიშნავს ხელოვნურ ინტელექტს, რაც გამოიხატება მანქანების უნარებით,
ისწავლონ და შეასრულონ ამოცანები, რომლებიც, როგორც წესი, მოითხოვს
ადამიანის ინტელექტს. AI-მ უკვე მოახდინა რევოლუცია ისეთ ინდუსტრიებში,
როგორიცაა ჯანდაცვა, ფინანსები და ტრანსპორტი. თუმცა, მას თან ახლავს
მნიშვნელოვანი რისკები.

ხელოვნური ინტელექტის ერთ-ერთ უდიდეს საფრთხეს წარმოადგენს მისი
პოტენციალი, შეცვალოს ადამიანები ბევრ სამუშაოზე. რამდენადაც ხელოვნური
ინტელექტი უფრო მოწინავე და ქმედუნარიანი ხდება, ამან შეიძლება
გამოიწვიოს ფართო უმუშევრობა სხვადასხვა ინდუსტრიაში.
AI-თან დაკავშირებული კიდევ ერთი საფრთხე არის კონფიდენციალურობის
ხელყოფა. კომპანიების მიერ AI ტექნოლოგიასთან (როგორიცაა ხმოვანი
ასისტენტები) ინტეგრირებული პროდუქტების, ან სერვისების მეშვეობით
შეგროვილი სულ უფრო მზარდი რაოდენობის მონაცემებით, ყოველთვის იქმნება
იმის შესაძლებლობა, რომ ეს ინფორმაცია გამოყენებული იყოს ბოროტად, ან
არაეთიკური მიზნებისთვის.
გარდა ამისა, არსებობს შეშფოთება იმის შესახებ, რომ შეიძლება ხელოვნური
ინტელექტის მიერ მომუშავე ავტონომიური სისტემები გაუმართავი იყოს და
სერიოზული ზიანი მიაყენოს ადამიანის ჩარევის გარეშე. იგულისხმება
თვითმართვადი მანქანები, რომლებიც იწვევენ ავარიებს არასწორი
პროგრამირების გამო ან რობოტები, რომლებიც შემთხვევით აზიანებენ
ადამიანებს მუშაობის დროს.
ზოგიერთი ექსპერტი შიშობს, რომ თუ შეგნებული ხელოვნური ინტელექტის
მოწინავე ფორმა ოდესმე ჩვენს კონტროლს მიღმა განვითარდება, მას შეუძლია
კაცობრიობის მიმართ მტრული ზრახვები განავითაროს და დედამიწაზე მთელი
სიცოცხლე საფრთხეში ჩააგდოს.
დღეს ხელოვნურ ინტელექტთან დაკავშირებული ამ რისკების მიუხედავად, ჩვენ
უნდა გავაგრძელოთ მათი შერბილების გზების შესწავლა, ამით მაქსიმალურად
გავზარდოთ მისი სარგებელი კაცობრიობისთვის – მაგრამ მხოლოდ მას შემდეგ,
რაც საფუძვლიანად გავითვალისწინებთ ყველა ეთიკურ შედეგს.

შეიძლება თუ არა ხელოვნური ინტელექტის გამოყენება სასიკეთოდ?
ხელოვნურ ინტელექტს (AI) შეუძლია ჩვენი ცხოვრების უკეთესობისკენ
გარდაქმნა მრავალი თვალსაზრისით. ხელოვნური ინტელექტის ერთ-ერთი
ყველაზე პერსპექტიული პროგრამა არის მისი უნარი, მოახდინოს დამღლელი და
შრომატევადი ამოცანების ავტომატიზაცია, რაც შესაძლებლობას უქმნის
მომუშავე პერსონალს, ფოკუსირება მოახდინოს უფრო შემოქმედებით და
სიამოვნების მომგვრელ სამუშაოზე.

ხელოვნური ინტელექტი (AI) შეიძლება გამოყენებულ იქნას ჯანდაცვის სფეროში
დაავადების ადრეული დიაგნოსტიკისთვის, პერსონალიზებული მკურნალობისა
და მედიკამენტის აღმოსაჩენად. მას ასევე შეუძლია გაანალიზოს სამედიცინო
ჩანაწერები და შესთავაზოს მკურნალობის გეგმები, რომლებიც შესაძლოა,
ექიმებმა სხვაგვარად არც განიხილონ.
კიდევ ერთი სფერო, სადაც ხელოვნურ ინტელექტს შეუძლია დადებითი
გავლენის მოხდენა, არის გარემოს დაცვა. მსოფლიოში სენსორების დიდი
რაოდენობით მონაცემების ანალიზით, ხელოვნური ინტელექტის ალგორითმები
დაგვეხმარება კლიმატის ცვლილების შაბლონების გაგებაში და მათი ეფექტების
შესამცირებლად გადაწყვეტილებების შემუშავებაში.
გარდა ამისა, ხელოვნური ინტელექტის საფუძველზე მომუშავე სისტემები
მუშავდება საზოგადოებრივი უსაფრთხოების მიზნებისთვის, როგორიცაა
დამნაშავეების გამოვლენა დანაშაულის ჩადენამდე ან დაკარგული პირების
იდენტიფიცირება უფრო სწრაფად, ვიდრე ოდესმე.
თუმცა, როგორც ნებისმიერი ტექნოლოგიური ინსტრუმენტი, ჩვენ ვიყენებთ
დღეს – ის უნდა განხორციელდეს პასუხისმგებლობით ეთიკური ნორმების
გათვალსწინებით განვითარების ყველა ეტაპზე.

უნდა ვიღელვოთ თუ არა ხელოვნური ინტელექტის გამო?
კითხვაზე, უნდა ვიღელვოთ თუ არა ხელოვნური ინტელექტის გამო, პასუხის
გაცემა ძნელია. ერთის მხრივ, AI-მ უკვე აჩვენა დიდი ზიანის მიყენების
პოტენციალი, რასაც მოწმობს სხვადასხვა მაგალითები მთელი ისტორიის
მანძილზე. იარაღის ავტონომიური სისტემებიდან დაწყებული მიკერძოებული
ალგორითმებით დამთავრებული, რომლებიც აგრძელებენ დისკრიმინაციას,
არსებობს უამრავი მიზეზი, ვიღელვოთ იმის თაობაზე, თუ რა შეიძლება მოხდეს,
ეხლავე თუ არ მივიღებთ სიფრთხილის ზომებს.
თუმცა, ამავე დროს, მნიშვნელოვანია გვახსოვდეს, რომ ხელოვნური
ინტელექტის გამოყენების ყველა შემთხვევა თანაბრად საშიში არ არის. ზოგიერთ
პროგრამულ აპლიკაციას შეიძლება ჰქონდეს პოტენციალი მსოფლიოსთვის ბევრი
სიკეთის მოსატანად – დაწყებული ექიმების დახმარებით დაავადების უფრო
ზუსტად და სწრაფად დიაგნოსტირებაში, ვიდრე ოდესმე, დამთავრებული
გზებზე მოძრაობის ნაკადის გაუმჯობესებით.

საბოლოო ჯამში, ვფიქრობ, სამართლიანია იმის თქმა, რომ თუმცა აუცილებელია
არაა, გვეშინოდეს ხელოვნური ინტელექტის, ამ ტექნოლოგიას მაინც ფრთხილად
უნდა მივუდგეთ. ჩვენ, როგორცროგორც ინდივიდუალური პირები, ისე
საზოგადოებები, უნდა დავრწმუნდეთ, რომ ამ ინსტრუმენტებს
პასუხისმგებლობით ვიყენებთ და საჭიროების შემთხვევაში (როგორიცაა
რეგულაცია) ზომებს ვიღებთ, რათა თავიდან ავიცილოთ ნებისმიერი
არასასურველი შედეგები.
დასკვნა:
ვინაიდან AI ტექნოლოგია აგრძელებს წინსვლას, მნიშვნელოვანია, რომ
გავითვალისწინოთ მისი განვითარების პოტენციური სარგებელი და რისკები.
მიუხედავად იმისა, რომ ხელოვნური ინტელექტის გამოყენების უდავოდ ბევრი
პოზიტიური შემთხვევაა ისეთ სფეროებში, როგორიცაა ჯანდაცვა და
ტრანსპორტი, შეუძლებელია უგულებელვყოთ საშიშროება მანქანების შექმნისა,
რომელსაც შეუძლია, ჭკუით აჯობოს ადამიანებს.
ხდება თუ არა ხელოვნური ინტელექტი ცნობიერი, საბოლოო ჯამში,
მნიშვნელობა არ აქვს, მისი პოტენციური ზიანის განხილვისას. მაშინაც კი, თუ
ხელოვნური ინტელექტის სისტემას არ აქვს ბოროტი განზრახვები, მან შეიძლება
გამოიწვიოს მნიშვნელოვანი ზიანი, არასრულფასოვან მონაცემებზე
დაყრდნობით, ან არასრული ინფორმაციის საფუძველზე არასწორი
გადაწყვეტილებების მიღების გამო.
ამიტომ, დეველოპერებმა და პოლიტიკოსებმა პრიორიტეტი უნდა მიანიჭონ
უსაფრთხოების ზომებს AI სისტემების პროექტირების და დანერგვისას. ეს
მოიცავს ყველაფერს, დაწყებული მანქანათმცოდნეობის ალგორითმებისთვის
ეთიკური მითითებების დანერგვით, დამთავრებული იმის უზრუნველყოფით,
რომ ავტონომიური იარაღი ყოველთვის დარჩეს ადამიანის კონტროლის ქვეშ.
საბოლოოდ, მთავარი დასკვნა შემდეგნაირია: მიუხედავად იმისა, რომ AI-ს აქვს
წარმოუდგენელი პოტენციალი, ჩვენი სამყარო გარდაქმნას უკეთესობისკენ,
ფრთხილად უნდა მივუდგეთ მის განვითარებას და ყურადღებით
გავითვალისწინოთ მასთან დაკავშირებული რისკები. მხოლოდ მაშინ შეგვიძლია
ნამდვილად მივიღოთ ამ სწრაფად განვითარებადი ტექნოლოგიის სარგებელი,
საკუთარი თავის საფრთხის ქვეშ დაყენების გარეშე.

იხილეთ სრულად: https://medium.com/@brandownit_/why-ai-may-be-extremely-dangerous-whether-its-conscious-or- not-27eb7a41be6e