ეროვნულ სამეცნიერო ბიბლიოთეკაში N128 და N82 საჯარო სკოლის მოსწავლეებისთვის ჩატარდა უფასო საინფორმაციო შეხვედრა 3D მოდელირებისა და ბეჭდვის შესახებ.

შეხვედრაზე სამგანზომილებიანი გრაფიკის სპეციალისტმა ივანე ნაზღაიძემ ბავშვებს მიაწოდა ინფორმაცია 3D ტექნოლოგიებზე, კონკრეტულად – 3D მოდელირების მიმართულებებზე და მასთან დაკავშირებულ პროფესიებზე, 3D ბეჭდვის მეთოდებზე და გამოყენების სფეროებზე.

აღნიშნული შეხვედრები განკუთვნილია V-XII კლასის მოსწავლეებისთვის მათთვის, ვისაც აინტერესებს ეს სფერო, სურს მეტი გაიგოს 3D ტექნოლოგიებზე ან მომავალში დაეუფლოს ამ პროფესიას.