აღწერა
„ დავსახენით ქარტა ანუ რუკანი საქართველოსა ანუ ივერიისანი, რომელსა ხაზვიდენ მცირეთ და არაჯეროვნად, და ჩვენ სრულიადი წინ დავდევით…“ ვახუშტი მე-18 საუკუნის დიდი ქართველი გეოგრაფი და ისტორიკოსი – ვახუშტი ბაგრატიონი, საქართველოს და მისი მოსაზღვრე ტერიტორიების პირველი ფუძემდებლური კომპლექსურ – გეოგრაფიული დახასიათებისა და იმ დროისათვის შესაბამისი ზუსტი რუკების ავტორია. მის გეოგრაფიულ თხზულებასა და კარტოგრაფიულ ნაშრომებს გამორჩეული ადგილი უკავია ქართული და ზოგადსაკაცობრიო კულტურის საგანძურში. ვახუშტი ბაგრატიონმა ჩვენი სამშობლოს გეოგრაფია და კარტოგრაფია მტკიცე მეცნიერულ საფუძველზე დააყენა, რითაც საქართველოსა და კავკასიის შესწავლაში უდიდესი წვლილი შეიტანა. მკვლევრის მიერ შექმნილი ნაშრომები მთელი საუკუნის მანძილზე ქვეყნის გეოგრაფიულ-კარტოგრაფიული ცოდნის ძირითად წყაროს წარმოადგენდა. ვახუშტისეული რუკები ორიგინალურია. ისინი დეტალურობითა და სისრულით მნიშვნელოვნად აღემატება ყველა იმ კარტოგრაფიულ გამოსახულებას, რომლებიც შედგენილი იყო მანამდე და ნაწილობრივ შემდგომაც, კავკასიაში ზუსტი ტოპოგრაფიული გადაღებების დაწყებამდე.
მიმოხილვა
მიმოხილვები ჯერ არ არის.