აღწერა

თანამედროვე იაპონური ლიტერატურის წარმოშობა გახდა საეტაპო წიგნი,
რომელიც გარდამტეხ როლს თამაშობს ქვეყანაში თანამედროვეობის შესახებ
დისკუსიების განსაზღვრაში. თანამედროვე დასავლელ მთარგმნელთა მხრიდან
აზიის კრიტიკული თეორიის მიმართ შედარებითი უყურადღებობის მთელი
ისტორიის საწინააღმდეგოდ, ეს პირველი ინგლისური პუბლიკაცია,

რასაკვირველია, უდიდეს გავლენას მოახდენს დასავლეთში მიმდინარე
კულტურულ კრიტიკაზე. ეს არის როგორც ყველაზე თამამი კრიტიკა
თანამედროვე იაპონური ლიტერატურის ისტორიისა, რომელიც გამოჩნდა ომის
შემდგომ ეპოქაში, ასევე – ძირითადი თეორიული ინტერვენცია, რომელიც კითხვის
ნიშნის ქვეშ აყენებს თანამედროვეობის იდეას, რაც დასავლური ცნობიერების
ინფორმირებას ახდენს.
მეცხრამეტე და მეოცე საუკუნეების იაპონური ლიტერატურის რადიკალური
რეინტერპრეტაციით, კარატანი კოჯინი დაჟინებით მოითხოვს გადაიხედოს ის
ვარაუდები, რომლებიც საფუძვლად უდევს ჩვენს კონცეფციებს
თანამედროვეობის შესახებ. მის ანალიზში ისეთი ნაცნობი ტერმინები, როგორიცაა
წარმოშობა, თანამედროვე, ლიტერატურა და სახელმწიფო, იდეოლოგიურ
კონსტრუქციებს წარმოადგენენ. კარატანი ბევრ ცალკეულ ხაზს ავლებს
არგუმენტში, რომელიც ამხელს იმას, რაც იმალება როგორც იაპონურ, ისე
დასავლურ ანგარიშებში თანამედროვე კულტურის განვითარების შესახებ. ამ
მიმართულებებს შორისაა: პეიზაჟის „აღმოჩენა“ ფერწერასა და ლიტერატურაში
და მისი კავშირი ინდივიდუალური ცნობიერების სიღრმესთან; მსგავსი
„აღმოჩენა“ იაპონურ დრამაში შიშველი სახისა, როგორც შინაგანი სამყაროს მიერ
შექმნილი კიდევ ერთი სახეობის პეიზაჟისა; მწერლობაში ჩინური სიმბოლოების
დომინირებისთვის გამოწვევის გაკეთება; კონფესიონალური ლიტერატურის
გაჩენა, როგორც სექსუალური თავშეკავებულობის შედეგი; სამურაების კლასის
ქრისტიანობაზე მოქცევა; ტუბერკულოზის, კიბოს და ზოგადად ავადმყოფობის
მითოლოგიზაცია, როგორც მნიშვნელობის შემქმნელი; და „ბავშვის“ როგორც
ადამიანის დამოუკიდებელი კატეგორიის „აღმოჩენა“.
კარატანის ანალიზი – ნაშრომი, რომელიც ასევე მნიშვნელოვანი იქნება
ლიტერატურათმცოდნეობის საზღვრებს მიღმა, ეჭვქვეშ აყენებს თეორიული
ცენტრალურობისა და ორიგინალურობის ძირითად დასავლურ ვარაუდებს და
არღვევს ორობით ოპოზიციას, „დასავლეთის“ – ე.წ. „სხვასთან“. თანამედროვე
იაპონური ლიტერატურის წარმოშობა უნდა წაიკითხოს ყველამ, ვისაც
აინტერესებს კულტურული კონცეფციების განვითარება და
ურთიერთდაკავშირებული ფაქტორები, რომლებმაც განაპირობა
თანამედროვეობა.