აღწერა

საქართველოში აკროსტიკის კულტურა, როგორც სასულიერო, ისე საერო პოეზიაში დაახლოებით VIII საუკუნიდან იჩენს თავს. აკროსტიკს, როგორც მყარ საეკლესიო ფორმას, განსაკუთრებული დატვირთვა ჰქონდა და ყოველთვის ხელოვანის ოსტატობის ეტალონად მიიჩნეოდა. იგი ქართული ენის ბრწყილვალე ფლობას საჭიროებდა. ეს საუკუნოვანი ტრადიცია დღესაც გრძელდება და სულ რამდენიმე ადამიანია ამ კულტურის მატარებელი. სწორედ ამიტომ დასაფასებელია ახალგაზრდა, ნიჭიერი პოეტის, იროდი ასანაშვილის შრომა ამ საოცარი კულტურის აღორძინების საქმეში. ამჯერად იროდი ასანაშვილის აკროსტიხები მეფეებს ეძღვნება. ავტორის სასახელოდ უნდა ითქვას ის, რომ მან საგანგებოდ შეისწავლა ქართველ მეფეთა ცხოვრება, გაეცნო წყაროებს და მონოგრაფიებს. თითოეულ მეფეზე აკროსტიხთან ერთად მოცემულია მოკლე ბიოგრაფიული ცნობები. წიგნში დაცულია ასეთი თანმიმდევრობა – 1. ქართლის (იბერიის) მეფეები, 2. ეგრისის (ლაზიკის) მეფეები, 3. ქართლის მეფეები, 3. ქართლის ერისმთავრები და მეფეები, 4. ტაო-კლარჯეთის მეფეები, 5. კახეთ-ჰერეთის მეფეები, 6. ეგრის-აფხაზთა მეფეები, 7. გაერთიანებული საქართველოს მეფეები, 8. ქართლის მეფეები, 9. კახეთის მეფეები, 10. იმერეთის მეფეები. იროდი ასანაშვილმა ამ წიგნით კიდევ ერთხელ დიდი პატივი მიაგო მათ.